07.06.2026 | 13:56
Օտարերկրյա համարներից կեղծ ահազանգեր են տարածվել ընտրատեղամասերում ռումբերի մասին
Մենք նաև հեղափոխություն ենք արել, որպեսզի Քոչարյանն ու նրա նման անձինք կարողանան ազատ խոսել․ Ենգիբարյան. ՏԵՍԱՆՅՈՒԹ
Քաղաքականություն
11.09.2020 | 15:09
ԱԺ «Իմ քայլը» խմբակցության պատգամավոր Վիկտոր Ենգիբարյանն այսօր հրավիրված ասուլիսում անդրադարձավ ՀՀ երկրորդ նախագահ Ռոբրտ Քոչարյանի կողմից իշխանությունների հասցեին հնչեցված քննադատություններին ու ընդդիմադիր ուժերի կոնսոլիդացիայի հնարավորությանը։
«Մենք Հայաստանում հեղափոխություն ենք արել նաև նրա համար, որպեսզի Ռոբերտ Քոչարյանը և նրա նման անձինք կարողանան ազատորեն խոսել։ Ռոբերտ Քոչարյանի իշխանության տարիներին չեմ կարծում, որ որևէ ընդդիմադիր կարողանար այդպես ազատորեն քննադատել իշխանություններին։ Կա՛մ կհայտնվեր բանտում, կա՛մ կհամարվեր անհետ կորած։ Բազմաթիվ քաղբանտարկյալներ կային այդ տարիներին։ Հայաստանում այժմ ժողովրդավարություն է, և բոլորը կարող են խոսել ու քննադատել»,- ասաց նա։
Վիկտոր Ենգիբարյանի խոսքով՝ հանրությունն է գնահատական տվողը՝ արդյո՞ք այդ քննադատություններն անհիմն են։
«Ժամանակին ասում էին՝ տնտեսական կոլապս է սպասվում, այս Կառավարությունը կառավարման փորձ չունի, բայց պարզվեց՝ 2019 թվականին ամբողջ Եվրոպայում ամենաշատ տնտեսական աճը գրանցած պետությունն ենք»,- հավելեց պատգամավորը։
Մանրամասները՝ տսանյութում։
