29.09.2026 | 22:04
Պատմական գներ՝ բենզինի շուկայում․ ինչո՞ւ է թանկանում վառելիքը. ՏԵՍԱՆՅՈՒԹ
Մարտի 1-ի գործով արդարադատությունից խուսափելու միտում եմ տեսնում. Ռուստամ Բադասյան. ՏԵՍԱՆՅՈՒԹ
Հասարակություն
08.09.2020 | 12:49
Արդարադատության նախարար Ռուստամ Բադասյանն այսօր ԱԺ-ում լրագրողների հետ զրույցում անդրադառնալով դիտարկմանը, որ Մարտի 1-ի գործով տուժողների իրավահաջորդները որոշել են դադարեցնել դատական նիստերին իրենց մասնակցությունը, և նրանք բոյկոտում են Ռոբերտ Քոչարյանի գործով դատական նիստը՝ իշխանությանն ուղղելով մեղադրանքներ, որ դատական համակարգի առողջացմանն ուղղված քայլեր չեն ձեռնարկվում, նշեց․ «Ամբողջությամբ ծանոթ չեմ Մարտի 1-ի զոհերի հարազատների տարածած հայտարարությանը և պատճառաբանություններին, բայց կարծում եմ, որ դատաիրավական համակարգի բարեփոխումները կատարվում են և բավական ինտենսիվ ընթացքի մեջ են: Ամեն դեպքում, ճիշտ չէ կոնկրետ գործի քննության հետ կապել դատաիրավական բարեփոխումների ամբողջական ընթացքը»:
«Մարտի 1-ի գործով արդարադատությունից խուսափելու և դատական նիստերը ձգձգելու միտում եմ տեսնում»,- ընդգծեց Ռուստամ Բադասյանը՝ հավելելով, որ խնդիրները կուտակվել են տարիներ շարունակ:
Մանրամասները՝ տեսանյութում:
