Մկների մասով կդժվարանամ, բայց ձկները չեն պլստացել՝ որսորդական ցանցում են ու պատասխան կտան․ Հովիկ Աղազարյան. ՏԵՍԱՆՅՈՒԹ

Factor.am-ի հարցազրույցը ԱԺ «Իմ քայլը» խմբակցության պատգամավոր Հովիկ Աղազարյանի հետ

-Պարո՛ն Աղազարյան, ձեր իշխանությանը խստորեն քննադատում են ընդդիմադիր տարատեսակ ուժեր, ո՛չ միայն ՀՅԴ-ն, ԲՀԿ-ն, Վանեցյանի կուսակցությունը, ՀՀԿ-ն, Ռոբերտ Քոչարյանը, որոնք Նիկոլ Փաշինյանի հրաժարականի հարց են բարձրացրել, այլև Ազգային-ժողովրդավարական բևեռը, որի կազմում են «Սասնա ծռերը» և այլ ուժեր։ Ժիրայր Սեֆիլյանը վերջերս խորհրդաժողովում համակիրներին կոչ արեց պատրաստ լինել նաև փողոցային պայքարի։ Նրանք ձեզ քննադատում են, որ խորքային բարեփոխումներ չեք արել՝ անցումային արդարադատություն այդպես էլ տեղի չունեցավ, նոր Սահմանադրություն չի ընդունվել, և թեև Նիկոլ Փաշինյանն ասում էր՝ «Ոչ մի ձուկ և ոչ մի մուկ չի պլստալու», բայց բոլորը հեռացան։ Իշխանությունը մտածելու բան չունի՞, որ հեղափոխության աջակից ուժն է սկսում կոշտ քննադատել։

-Մկների մասով դժվարանում եմ ասել, բայց ձկների մասով կարող եմ ասել, որ ոչ մի ձուկ չի պլստացել, չի պլստալու, բոլորը գտնվում են որսորդական ցանցի մեջ և էսա օրենսդրական բազայի ձևավորմանը զուգընթաց՝ Դատախազությունում արդեն ձևավորվում է «Ապօրինի գույքի բռնագանձման» ստորաբաժանումը, և բոլոր ձկները պատասխան կտան։ Քննադատությունները միշտ էլ պիտի լինեն, որովհետև ոչ մի քաղաքական ուժ ապահովագրված չի սխալներից։ Եվ նույնիսկ ընդդիմությունը, որ կիսում է շատ ու շատ արժեքներ, քննադատում է և շատ էական է դա։ Այստեղ հարցն ուրիշ է՝ էդ քննադատությունների մեջ ինչքա՞ն ենք մենք կարողանում պահել նորմալ էթիկան, ինչքանով ենք մենք հետևողական ասածների մեջ։ Ի՞նչ է նշանակում ոչինչ չի արվել, ոչինչ չի փոխվել։

Առավել մանրամասն՝ տեսանյութում:

Ռոբերտ Անանյան