Անընդունելի են Ղարաբաղի հարցով բանակցային կազմը փոխելու փորձերը. Լավրովը՝ Ադրբեջանի ԱԳ նախարարի հետ հանդիպումից հետո

Քաղաքականություն

26.08.2020 | 19:14

Լուրեր

11.12.2024 | 23:30

Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի

11.12.2024 | 23:17

Դեսպան Հարությունյանը վերահաստատել է Կանադայի հետ հարաբերություններն առավել խորացնելու Հայաստանի հանձնառությունը

11.12.2024 | 22:52

Երևանում և 6 մարզում էլեկտրաէներգիայի անջատումներ կլինեն

11.12.2024 | 22:37

ԱՄՆ-ը կարող է «իրանական» պատժամիջոցներ կիրառել ռուսական նավթի դեմ

11.12.2024 | 22:21

Բելառուսից թոշակառուն դատապարտվել է 4 տարվա ազատազրկման՝ Լուկաշենկոյին և ոստիկանին վիրավորելու համար

11.12.2024 | 22:08

Էրդողանը դավաճանեց Ռուսաստանին․ Ալեքսանդր Դուգինը՝ Սիրիայում իրադարձությունների մասին

11.12.2024 | 21:58

Երևանի Բագրևանդի-Նելսոն Ստեփանյան փողոցների խաչմերուկում երթևեկությունը կկարգավորվի լուսացույցներով

11.12.2024 | 21:44

Ադրբեջանի ընդդիմությունը ԱՄՆ-ին ու ԵՄ-ին կոչ է անում երկրի իշխանությունների դեմ պատժամիջոցներ սահմանել

11.12.2024 | 21:29

Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում

11.12.2024 | 21:17

Հակոբ Ասլանյանը փոշմանել է, բայց արդեն ուշ է․ նա հեռացվեց ՔՊ-ից

11.12.2024 | 21:00

ՔՆՆԱՐԿՈւՄ․ Ասադի տապալումը Սիրիայում, ՌԴ-ի թուլացումը, Թուրքիայի դերի աճը․ ի՞նչ վիճակ ստեղծվեց Մերձավոր Արևելքում. ՏԵՍԱՆՅՈՒԹ

11.12.2024 | 20:51

Քննարկվել են Հայաստանում անցկացվելիք COP 17-ի կազմակերպման վերաբերյալ առանցքային հարցերը

11.12.2024 | 20:43

Օլաֆ Շոլցը պաշտոնապես Բունդեսթագին վստահության քվեի խնդրանք է ներկայացրել

11.12.2024 | 20:27

Մալիբուում խոշոր անտառային հրդեհ է մոլեգնում, որը սպառնում է հոլիվուդյան աստղերի առանձնատներին․ ՏԵՍԱՆՅՈՒԹ

11.12.2024 | 20:12

Մանդատս վայր եմ դրել այլ աշխատանքի անցնելու նպատակով. Դավիթ Առուշանյան

Բոլորը

Այսօր պաշտոնական այցով Մոսկվայում է Ադրբեջանի նորանշանակ արտգործնախարար Ջեյհուն Բայրամովը։ Նա արդեն հանդիպել է ՌԴ արտգործնախարար Սերգեյ Լավրովի հետ։ Կողմերը նախ առանձնազրույց են ունեցել, այնուհետ հանդիպումը շարունակվել է երկու երկրների պատվիրակությունների մասնակցությամբ։ Հանդիպման արդյունքներն ամփոփվել են համատեղ մամուլի ասուլիսում։

Մասնավորապես, անդրադառնալով հուլիսին հայ-ադրբեջանական սահմանային դեպքերին՝ ՌԴ արտգործնախարար Սերգեյ Լավրովը հույս է հայտնել, որ ապագայում նման բախումներ չեն կրկնվի։ Լավրովը նաև նշել է, որ անընդունելի են Լեռնային Ղարաբաղի հարցով բանակցային կազմը փոխելու փորձերը։

«Լեռնային Ղարաբաղի հարցում պետք է ղեկավարվել այն որոշումներով, որոնք ընդունվել են միջազգային հանրության կողմից։ ԵԱՀԿ-ի շրջանակներում բանակցային լուրջ հիմք է ձևավորվել։ Իհարկե, ավելի ինտենսիվ բանակցությունները չէին խանգարի, բայց առաջին հերթին այդ պլանները իրագործելու համար, պետք է կարգավորել ընդհանուր իրավիճակը, ներառյալ ցանկացած միջադեպի բառացումը։ Հույս ունենք, որ այն ինչ տեղի ունեցավ հուլիսին, այլևս չի կրկնվի»,- ասել է Սերգեյ Լավրովը։ Նա նաև նշել է, որ ԵԱՀԿ Միսկի խմբի համանախագահները ծրագրում են այցելել Բաքու և Երևան, նաև կազմակերպել Հայաստանի ու Ադրբեջանի արտաքին գործերի նախարարների միջև կապի հաստատումը։

Ադրբեջանի արտաքին գործերի նախարար Ջեյհուն Բայրամով էլ իր հերթին ասել է, որ Բաքուն Լեռնային Ղարաբաղի կարգավորման առաջընթացի հարցում մեծ հույսեր է կապում Մոսկվայի հետ։ «Մենք մեծ հույսեր ենք կապում Լեռնային Ղարաբաղի կարգավորման հարցում Ռուսաստանի ակտիվ դերակատարման հետ։ Ցավով, ստիպված եմ արձանագրել, որ հակամարտության կարգավորման հարցում առաջընթաց չի նկատվում»,- ասել է Բայրամովը և Հայաստանին, ինչպես միշտ մեղադրել Ադրբեջանի տարածքներն «օկուպացնելու» ու այն Մերձավոր Արևելքի երկրների հայերով բնակեցնելու մեջ։

Բայրամովը ևս մեկ անգամ վերահաստատել է, որ Ադրբեջանի համար հակամարտության խաղաղ կարգավորման հիմքում պիտի լինի Լեռնային Ղարաբաղի «օկուպացիայից» ազատումն ու այնտեղ փախստականների վերադարձը։ Նա նաև Հայաստանին մեղադրել է խաղաղ գործընթացը սրելու համար։

«Հայաստանի ապակառուցողական դիրքորոշումը հանգեցրել է հուլիսի 12-16-ին իրավիճակի սրմանը։ Հայաստանի ԶՈՒ-ն հարվածել է Ադրբեջանի ռազմական դիրքերին ու խաղաղ գյուղերին, փորձ է եղել գրավել Ադրբեջանի տարածքները: Այդ տարածքով անցնում են նավթագազամուղները, որոնք Կասպից ծովի ավազանից էներգետիկ ռեսուրսները հասցնում են համաշխարհային շուկա »,- ասել է Բայրամովը։ Նա նաև կրկնել է ադրբեջանական կողմի այն թեզը, որ բանակցությունները պիտի լինեն սուբստանտիվ։

Էմմա Չոբանյան