09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
«Սևիլիա»-ն ռեկորդային` 6-րդ անգամ դարձավ Եվրոպայի լիգայի հաղթող
22.08.2020 | 11:31
Ֆուտբոլի Եվրոպայի լիգայի եզրափակիչում մրցեցին իսպանական «Սևիլիա»-ն և Միլանի «Ինտեր»-ը:
«Արմենպրես»-ի հաղորդմամբ` առաջին կեսը եզրափակիչներին ոչ բնորոշ գոլառատ ստացվեց: Նախ մեկնարկից 5 րոպե անց 11 մետրանոց հարվածով «Ինտեր»-ին առաջ մղեց Լուկակուն: Այնուհետ 12-րդ և 33-րդ րոպեներին դուբլ ձևակերպեց Դե Յոնգը և «Սևիլիա»-ն առաջ անցավ հաշվի մեջ: Սակայն մինչ թիմերը կգնային ընդմիջման` Դիեգո Գոդինը հավասարեց հաշիվը` 2:2:
Երկրորդ կեսում վիճակագրությունն առավելություն տալիս էր «Ինտեր»-ին, սակայն 74-րդ րոպեին նորից հաշվի մեջ առաջ անցավ «Սևիլիա»-ն: Այս անգամ աչքի ընկավ Դիեգո Կարլոսը` 3:2:Ի վերջո իսպանական թիմը հաղթեց 3:2 հաշվով և իր պատմության մեջ 6-րդ անգամ դարձավ Եվրոպայի լիգայի չեմպիոն:
«Սևիլիա»-ն Եվրոպայի լիգայում մինչ այս հաղթել էր 5 անգամ` 2005–06, 2006–07, 2013–14, 2014–15, 2015–16 մրցաշրջաններում:
