Համայնքներում այս ավերակ վիճակը ինչի՞ հետ է կապված․ ընտրություն կատարելու չափանիշների հետ․ Փաշինյան. ՏԵՍԱՆՅՈՒԹ

Քաղաքացի-իշխանություններ հարաբերություններում խորքային փոփոխություններ են պետք։ Քաղաքացին ինքը իր համայնքում պետք է վերահսկողություն սահմանի կատարվող աշխատանքի վերաբերյալ։ Այս մասին այսօր Կառավարության նիստում ասաց ՀՀ վարչապետ Նիկոլ Փաշինյանը։

«Մեր քաղաքական ուղերձը հենց սկզբից եղել է նույնը․ մենք ուզում ենք, որ քաղաքացին կապ տեսնի իր գործողության և իրականության միջև։ Եվ սրա համար մեզ շատ քննադատում են և շատ կքննադատեն։ Բայց հակառակը՝ տոտալիտար մտածելակերպն ա։ Մարդը պետք է տեսնի իր գործողությունը։ Ամեն օր, այսօր առավոտյան ինքը վեր կացավ, ինչ արեց, դրա արտահայտությունը պետք է տեսնի իրականության մեջ։ Եվ սա ամենաշատը արտահայտվում է համայնքներում։ Բա որ համատարած ավերակ է այսօր մեր երկրում, եկեք խոստովանենք․ այսօր այսքան սուբվենցիա արեցինք, բայց իրականում ինչքան անում ենք, այնքան անելու բան կա։ Ճանապարհների վերաբերյալ գլուխ ենք գովում, որ հիմա մի մարզում այնքան ճանապարհ ենք նորոգում, ինչքան նախկինում ամբողջ հանրապետությունում էր, բայց իրականում դեռ այնքան պետք է կառուցենք։ Համայնքներում էլ այս ավերակ վիճակն ինչի հետ է կապված, մի պարզ բանի հետ, ընտրություն կատարելու որակի և չափանիշների հետ։ Ամեն մարդ այսօրվա իր բակի, փողոցի վիճակի հետ պետք է կապը տեսնի նախորդ ընտրություններում, դրա նախորդ, նախորդի նախորդ ընտրություններում իր քվերակության հետ»,- նշեց Փաշինյանը։

Մանրամասները՝ տեսանյութում։