19.09.2026 | 12:12
ԱՄՆ-ը Դանիայի և Գրենլանդիայի հետ համաձայնագիր է կնքել՝ կղզու անվտանգության նկատմամբ «մշտական վերահսկողության» մասին․ Թրամփ
Բելառուսի պետական հեռուստատեսության աշխատակիցները միացել են գործադուլին
Քաղաքականություն
17.08.2020 | 13:53
Բելառուսի պետական հեռուստատեսության աշխատակիցները միացել են գործադուլավորներին, հայտնում է BBC-ին:
Հեռուստաընկերությունները ստիպված են եղել հեռարձակել հաղորդումների կրկնությունները այն բանից հետո, երբ իրենց աշխատակիցները դուրս են եկել փողոց՝ գրաքննության և նախագահական ընտրությունների արդյունքների դեմ բողոքելու: Ակնկալվում է, որ գործադուլավորների թիվը կավելանա օրվա ընթացքում:
Ինչպես արդեն տեղեկացրել ենք այսօր Բելառուսում համազգային գործադուլ է մեկնարկել, որին մասնակցում են տարբեր ձեռնարկությունների աշխատակիցներ, այդ թվում՝ Մինսկի տրակտորի գործարանի, Բելառուսի ավտոմոբիլային գործարանի՝ «ԲելԱԶ»-ի, պարարտանյութեր արտադրող «Բելառուսկալիա»-ի աշխատակիցները: Այսօրվա գործադուլի մասին հայտարարվել էր նախօրեին տեղի ունեցած ցույցի ժամանակ, որը Բելառուսի պատմության մեջ ամենազանգվածայինն էր: Ըստ որոշ աղբյուրների` ցույցին մասնակցել է ավելի քան 200 000 քաղաքացի։
Բելառուսում բողոքի ցույցերը սկսվել են օգոստոսի 9-ին կայացած նախագահական ընտրություններից հետո, որոնց համաձայն՝ ձայների ավելի քան 80%-ով հաղթող է ճանաչվել գործող նախագահ Ալեքսանդր Լուկաշենկոն: Ցուցերի մասնակիցները պահանջում են անվավեր ճանաչել նախագահական ընտրությունների արդյունքները, դադարեցնել ցուցարարների նկատմամբ բռնություններըը, նոր ընտրություններ անցկացնել և ազատ արձակել բոլոր ձերբակալվածներին:
