12.10.2026 | 10:49
Կոլումբոսի օրվա կապակցությամբ Հայաստանում ԱՄՆ դեսպանատունը փակ է
Արցախում հաստատվել է COVID-19-ի 2 նոր դեպք
16.08.2020 | 12:22
Արցախում օգոստոսի 16-ի դրությամբ հաստատվել է կորոնավիրուսային հիվանդության 254 դեպք. առողջացել է 248 քաղաքացի. այս մասին տեղեկացնում են ԱՀ առողջապահության նախարարությունից։
Վերջին օրվա ընթացքում Արցախում COVID-19-ի 2 նոր դեպք է գրանցվել: Վարակակիրները Ստեփանակերտ քաղաքի բնակիչներ են, նախկինում հաստատված օջախի կոնտակտավորներ: Միևնույն ժամանակ, COVID-19-ի ախտորոշմամբ 5 հոգի ապաքինվել է և լքել մեկուսացման վայրը:
Թեստավորումների նպատակով 96 նմուշառում է իրականացվել: Մինչ այսօր կատարվել է 7909 փորձանմուշի հետազոտություն: Կա 25 մեկուսացված անձ։ Փաստացի բուժում է ստանում 5 պացիենտ: Երկրում կորոնավիրուսային հիվանդությունից մահվան դեպքեր չեն գրանցվել: Արձանագրվել է մահվան 1 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։
