10.06.2026 | 12:54
Քվեատուփից ծրարը հանվում է երեք անձի մասնակցությամբ․ ի՞նչ է սահմանում Ընտրական օրենսգիրքը
Եթե բելառուսները չդիմակայեն, ապա այս ալիքը կտարածվի. Լուկաշենկոն մտադիր է Պուտինի հետ քննարկել առկա իրավիճակը
Քաղաքականություն
15.08.2020 | 15:32
Բելառուսի նախագահ Ալեքսանդր Լուկաշենկոն հայտարարել է, որ ցանկանում է երկրում առկա իրավիճակը քննարկել Ռուսաստանի Դաշնության նախագահ Վլադիմիր Պուտինի հետ. գրում է ria.ru-ն:
«Մենք տեսնում ենք, թե ինչ է կատարվում: Մենք դա շատ լավ ենք տեսնում: Եվ հետո կարդում ենք «գունավոր հեղափոխությունների» ձեռնարկները: Բելառուսի դեմ ծրագրված ագրեսիա է ծավալվում: Պետք է կապվել Պուտինի հետ, որովհետև սա վտանգ է ոչ միայն Բելառուսի համար: Ես ցանկանում եմ ասել, որ այսօր Բելառուսի պաշտպանությունը, պաշտպանություն է նաև մեր տարածաշրջանի և դաշնակից պետության համար: Եթե բելառուսները չդիմակայեն, ապա այս ալիքը կտարածվի»,- նշել է Լուկաշենկոն:
Հիշեցնենք, որ Բելառուսի մայրաքաղաք Մինսկում ցույցեր են ընթանում երկրում օգոստոսի 9-ին տեղի ունեցած ընտրություններից հետո, որտեղ 80.1% քվեով վերընտրվել է 26 տարի երկիրը կառավարող Ալեքսանդր Լուկաշենկոն:
