15.06.2026 | 23:06
Աջակցում ենք ընտրությունների արդյունքները չճանաչելու վերաբերյալ քաղաքական ուժերի հայտարարությանը. «Միասնության թևեր»
Թուրքիան սպառնում է խզել հարաբերությունները ԱՄԷ-ի հետ, ետ կանչել իր դեսպանին
Քաղաքականություն
14.08.2020 | 18:51
Թուրքիայի նախագահ Ռեջեփ Թայիփ Էրդողանը սպառնացել է խզել դիվանագիտական հարաբերությունները Արաբական Միացյալ Էմիրությունների (ԱՄԷ) հետ կամ հետ կանչել իր դեսպանին՝ ի պատասխան ԱՄԷ-ի և Իսրայելի միջև կնքված խաղաղության պայմանագրի: Այս մասին գրում է The Telegraph-ը:
«Ես կարգադրություն եմ տվել Արտաքին գործերի նախարարին: Ասել եմ, որ հնարավոր է կասեցնենք դիվանագիտական հարաբերությունները Աբու Դաբիի վարչակազմի հետ կամ հետ կանչենք մեր դեսպանին»,- Էրդողանն այսօր ասել է լրագրողներին:
Նշենք, որ ԱՄԷ-ն Պարսից ծոցի երկրներից առաջինն է, որ բարելավում է հարաբերությունները Իսրայելի հետ: Վերջինս, իր հերթին, կասեցնում է Արևմտյան ափի անեքսիայի իր պլանները:
Ավելի վաղ Էմիրությունների՝ Իսրայելի հետ հարաբերությունները բարելավելու քայլը դատապարտել էր Թեհրանը՝ որակելով այն «ռազմավարական հիմարության քայլ»: Իսկ Անկարան ասել էր, թե պատմությունը երբեք չի ներելու «Ծոցի այս պետությանը իր կեղծավոր պահվածքի համար»:
