17.09.2026 | 20:00
Սպառնալիք կա Ալիևի մտածողության մեջ․ ագրեսիայի շանս կստանա, եթե ՀՀ-ն ուշ է խոսում վտանգներից․ Մեսրոպ Առաքելյան․ ՏԵՍԱՆՅՈՒԹ
1 մլն բնակչին բաժին ընկնող COVID-19-ի դեպքերով Հայաստանը տարածաշրջանում առաջատարն է․ worldometers.info
13.08.2020 | 17:40
Աշխարհում նոր տեսակի կորոնավիրուսի հաստատված դեպքերի թիվը 21 միլիոնին է մոտենում։ COVID-ի տարածումից ի վեր՝ 20․8 միլիոն մարդ վարակվել, 748 հազարից ավելին՝ մահացել։ Այս մասին տեղեկանում ենք COVID-19-ի համաշխարհային վիճակագրությունը ներկայացնող worldometers.info կայքից։
Ըստ աղբյուրի հրապարակած տվյալների՝ աշխարհում վարակման ակտիվ դեպքերն այժմ 6․3 միլիոն են, որից 64․573-ը՝ ծանր կամ ծայրահեղ ծանր վիճակում։ Վարակման հաստատված դեպքերի թվով առաջատարներն են ԱՄՆ-ն (5․3 մլն դեպք), Բրազիլիան (3․1 մլն դեպք), Հնդկաստանը (2․4 մլն), Ռուսաստանը (907 հազարից ավելի) և Հարավային Աֆրիկան (568 հազարից ավելի)։ Հայաստանը, որտեղ օգոստոսի 1-ի դրությամբ COVID-19-ի 41․023 հաստատված դեպք կա, 1 մլն բնակչությանը բաժին ընկնող վարակման դեպքերով աշխարհում 13-րդ տեղում է։ Նման ցուցանիշով Հայաստանը շարունակում է տարածաշրջանում առաջինը մնալ։
Նելլի Մելքոնյան
