17.09.2026 | 21:30
Ընկերությունը զրկվել է ՊԵԿ-ի 860 միլիոնանոց մրցույթից՝ չնախատեսված պահանջի պատճառով․ իրավաբան․ ՏԵՍԱՆՅՈՒԹ
Շիրակի մարզում կորոնավիրուսային հիվանդության 7 և մահվան մեկ նոր դեպք է գրանցվել
13.08.2020 | 14:32
Շիրակի մարզում կորոնավիրուսից մահացածների թիվը հասել է 37-ի։ Մահվան մի նոր դեպք է գրանցվել։ Հիվանդը մահացել է Երևանում։ Այս մասին մեզ հայտնեցին Շիրակի մարզպետարանից։
Օգոստոսի 13-ի ժամը 11.30-ի դրությամբ էլ Գյումրու ինֆեկցիոն հիվանդանոցում կորոնավիրուսով 25 հիվանդ է բուժվում, նրանցից 19-ը Շիրակի մարզի բնակիչ է։
Մարտի մեկից մինչ օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 8575 նմուշառում, մայիսի 12-ից օգոստոսի 12-ը ներառյալ Գյումրիում իրականացվել է 7221 նմուշառման հետազոտություն: Oգոստոսի 12-ին հաստատվել է կորոնավիրուսային հիվանդության 7 նոր դեպք։
Մարզում վերջին շրջանում նկատվում է համավարակի տարածման տեմպերի նվազում։ Շիրակի մարզպետարանից նաև տեղակացրին, որ դեպքերի նվազման ֆոնին՝ Գյումրու ինֆեկցիոն հիվանդանոցը շարունակում է աշխատել նույն կերպ ու լիարժեք ծառայություններ է մատուցում կորոնավիրուսով հիվանդներին:
Այսօրվա դրությամբ Շիրակում տնային ինքնամեկուսացման ցուցում ունի 465 քաղաքացի, նրանցից 102-ի մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։
Կորոնավիրուսից առողջացել և Գյումրու ինֆեկցիոն հիվանդանոցից մինչ օրս դուրս է գրվել Շիրակի մարզի 511 բնակիչ։ 53 հիվանդներ տեղափոխվել և բուժում են ստանում մայրաքաղաքում։
Էմմա Չոբանյան
