24.02.2026 | 18:00
4,5 մլրդ դրամ՝ ԱԺ ընտրությունների համար // Իրանի դեսպանը՝ համատեղ զորավարժությունների մասին․ ԼՈՒՐԵՐ
Վրաստանի հետ սահմանը բացելու վերաբերյալ բանակցություններ չկան. Ավինյան. ՏԵՍԱՆՅՈՒԹ
12.08.2020 | 15:09
Արդյոք ՀՀ գլխավոր պարետը կամ վարչապետը բանակցություններ վարում են Վրաստանի վարչապետի հետ ցամաքային սահմանով ՀՀ քաղաքացիներին անձնական մեքենաներով ՀՀ բերելու վերաբերյալ: Այս հարցն այսօր ԱԺ հատուկ նիստի ընթացքում «Լուսավոր Հայաստան» խմբակցության ղեկավար Էդմոն Մարուքյանն ուղղեց պարետ Տիգրան Ավինյանին։
Վերջինս պատասխանեց, որ Վրաստանի հետ այս փուլում որևէ բանակցություն չկա սահմանների բացման վերաբերյալ: «Դա կապված է զուտ համաճարակային վիճակով, դեռևս, կարծում եմ, այն փուլում չենք, որ նաև բանակցություններ վարենք: Նույնը Իրանի հետ է: Չկան բանակցություններ, բայց արդեն համաճարակային հետագա բարելավման պարագայում և նաև ընդհանուր աշխարհում կորոնավիրուսի վարակի հետագա նվազեցման դեպքում, կարծում եմ, այս հարցերը կքննարկվեն»,- նշեց նա:
Մարուքյանի հաջորդ հարցը վերաբերում էր Հայաստանում գտնվող մարդկանց, որոնք ցանկանում են գնալ ՌԴ և աշխատել։ Ավինյանը նշեց, որ Ռուսաստանի Դաշնությունը պատրաստակամություն է հայտնել սահմանները երկկողմանի բացելու հետ կապված և արդեն անհատական բանակցություններ են գնում:
Մանրամասները՝ տեսանյութում։
