01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Արտակարգ դրության երկարաձգումը խայտառակ որոշում է. Էդմոն Մարուքյան
Քաղաքականություն
05.08.2020 | 20:15
«Լուսավոր Հայաստան» խմբակցության ղեկավար Էդմոն Մարուքյանը հանրապետությունում արտակարգ դրության երկարաձգումը խայտառակ որոշում է որակել։ Այս մասին նա գրել է Ֆեյսբուքի իր էջում։
«Արտակարգ դրության ժամկետը ևս մեկ ամսով երկարաձգելու որոշումը ոչնչով արդարացված ու հիմնավորված չէ:
Անհրաժեշտ սահմանափակումները հնարավոր է պահպանել նաև այլ իրավական ակտի՝ ՀՀ բնակչության սանիտարահամաճարակային անվտանգության ապահովման մասին ՀՀ օրենքի կիրառման շրջանակներում:
Արտակարգ դրության ժամկետի երկարաձգումը մեծ հարված է հասցնում մեր երկրի բոլոր ոլորտներին, կրկին անգամ հիմք հանդիսանում այլ երկրների կողմից մեր երկրից մուտքի արգելքների պահպանմանը։
Արտակարգ դրության ժամկետի երկարաձգումը որևէ այլընտրանք իրագործելու ունակություն չունեցող կառավարության խայտառակ որոշում է»,- գրել է ԼՀԿ ղեկավարը:
