20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Փաստաթղթերը կհրապարակեմ, կարող է հասնեմ նրան, որ գործ հարուցվի․ Վահագն Խաչատրյանը՝ «Արմենիա Մարիոթ»-ի մասին. ՏԵՍԱՆՅՈՒԹ
Հասարակություն
31.07.2020 | 13:00
Աշխարհում և նախկին ԽՍՀՄ-ում չկա արդյունավետ սեփականաշնորհման մի ձև, որը բոլոր պահանջները բավարարի։ Ես ինքս դեմ էի վաուչերային սեփականաշնորհմանը, որը կարելի էր կիրառել փոքր օբյեկտների զանգվածային սեփականաշնորհման ժամանակ։ Այս մասին այսօր «Թրանսփարենսի Ինթերնեշնլ հակակոռուպցիոն կենտրոն» ՀԿ-ի կողմից իրականացված՝ ՀՀ-ում ռազմավարական նշանակության գույքի մասնավորեցման, խնդրահարույց ներդրումների և գործարքների վերաբերյալ ուսումնասիրության առցանց ներկայացմանը նշեց տնտեսագետ Լևոն Բարխուդարյանը։
«Ես հետո իմացա, որ Հայաստանում ընդամենը 28 արդյունաբերական ձեռնարկություն, որն ամբողջ արդյունաբերական արտադրանքի 76%-ն էր, պետք է միջազգային մրցույթով սեփականաշնորհեինք։ Ինչպես, օրինակ, այսօր ունենք «Մարիոթը», «Ալեքսանդրը», «Հիլթոնը», հյուրանոցային մշակույթ ունենք։
««Մարիոթը» մի ասա, «Մարիոթ» չունես։ Ես ցույց կտամ, թե «Մարիոթի» հետ ինչ է կատարվել։ Մեր շատ սիրելի, հարգված ընկեր, մեծ բարերար Վաչե Մանուկյանին, մեր լեզվով ասած, ոնց «գցեցին»։ Խնդրում եմ՝ այդ խայտառակ պատմությունը օրինակ մի բերեք։ Հիմա արդեն պաշտոնապես հայտարարում եմ, որ ես կհրապարակեմ այդ փաստաթղթերը, նույնիսկ կարող է հասնեմ նրան, որ դատական գործ հարուցվի», Բարխուդարյանին ընդհատեց Երևանի նախկին քաղաքապետ Վահագն Խաչատրյանը
Լևոն Բարխուդարյանը նշեց, որ թեպետ հնարավոր է՝ շատ խախտումներ են եղել, բայց այսօր Հայաստանն ունի «Մարիոթ» բրենդը։ Ի պատասխան՝ Վահագն Խաչատրյանն արձագանքեց․ «1993 թվականին ես, որպես Երևանի քաղաքապետ, «Արմենիա» վերանորոգված հյուրանոցի բացում եմ արել։ Վերանորոգումն այդ մասում մինչև հիմա նույնն է մնացել»։
Մանրամասները՝ տեսանյութում։
Նելլի Մելքոնյան
