18.11.2024 | 09:47
Երևանի քաղաքապետարանի գործակարգավարական նիստը՝ ՈՒՂԻՂ
Օգոստոսի 3-ից Վեդու ԲԿ-ն կվերադառնա իր հիմնական աշխատանքին
30.07.2020 | 16:43
Արարատի մարզպետարանը տեղեկացրել է, որ օգոստոսի 3-ից Վեդու բժշկական կենտրոնը վերադառնալու է իր հիմնական աշխատանքին։
«Հարգելի քաղաքացիներ, տեղեկացնում ենք, որ օգոստոսի 3-ից Վեդու բժշկական կենտրոնը կվերադառնա իր հիմնական աշխատանքին: ԲԿ-ն հունիսի 9-ից վերապրոֆիլավորվել էր ինֆեկցիոն հիվանդանոցի և սպասարկում էր կորոնավիրուսով վարակված հիվանդներին:
Շնորհակալություն ենք հայտնում բժշկական կենտրոնի ողջ անձնակազմին՝ համավարակի օրերին դրսևորած բարձր պատասխանատվության, անձնվեր ու հոգատար աշխատանքի համար»,- ասվում է հաղորդագրությունում:
Նշենք, որ նախօրեին պարետատան նիստից հետո հրավիրված ճեպազրույցում առողջապահության նախարար Արսեն Թորոսյանը տեղեկացրել էր, որ 3 բժշկական կենտրոններ՝ Վանաձորի ինֆեկցիոն հիվանդանոցը, Վեդու բժշկական կենտրոնը և Դիլիջանի բժշկական կենտրոնը, նախատեսվում է վերադարձնել իրենց բնականոն աշխատանքին։
