10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Արևշատ գյուղում հարևանների վեճն ավարտվել է կրակոցներով․ Արտաշատի ոստիկանների բացահայտումը. ՏԵՍԱՆՅՈՒԹ
Հասարակություն
29.07.2020 | 18:22
Հուլիսի 27-ին Ոստիկանության Արտաշատի բաժնում հաղորդում ստացվեց, որ Արևշատ գյուղում կրակոցներ են հնչել։ Ահազանգին արագ արձագանքած օպերատիվ խումբը տեղում իրականացրած հետախուզական միջոցառումների արդյունքում պարզեց, որ հարևանները վիճել են, հայտնում է Ոստիկանության մամուլի ծառայությունը։
Նախնական տվյալներով՝ մեկի կովը մտել էր մյուսի հողամաս ու փչացրել բերքը, ինչն էլ դարձել էր վեճի առիթ։ Պարզաբանումների ընթացքում մասնակիցներից մեկը տնից վերցրել է ապօրինի հրացանն ու կրակոցներ արձակել։
46-ամյա տղամարդը հայտնաբերվել ու բերման է ենթարկվել ոստիկանության Արտաշատի բաժին։ Հայտնաբերվել է նաև նրա հանգուցյալ պապին պատկանած գործարանային համարով հրացանը, որն ուղարկվել է փորձաքննության։
Դեպքի հանգամանքները քննությամբ պարզվում են։
