07.07.2026 | 10:17
«Չայնիի ոլորաններ» կոչվող հատվածում տեղի է ունեցել քարաթափում
Թուրքիայի խորհրդարանը հաստատել է սոցցանցերի կարգավորման վիճահարույց նախագիծը
Քաղաքականություն
29.07.2020 | 16:53
Այսօր Թուրքիայի խորհրդարանը հաստատեց վիճահարույց մի օրինագիծ, որը կանոնակարգում է սոցիալական ցանցերի օգտագործումը: Փաստաթուղթը պարտավորեցնում է, որ Թուրքիայում գործող, 1 միլիոնից ավելի օգտատեր ունեցող օտարերկյա սոցիալական ցանցերը երկրում ունենան իրենց ներկայացուցիչները, որոնք կլինեն Թուրքիայի քաղաքացիներ: Այս մասին հայտնում է DW-ի ռուսական ծառայությունը։
Բացի այդ, սոցիալական ցանցերի ադմինիստրատորները կպարտավորվեն իշխանությունների պահանջը ստանալուց հետո 48 ժամվա ընթացքում խմբագրել կամ հեռացնել հրապարակումները։ Պահանջը չկատարելը կհանգեցնի տուգանքի, գովազդի արգելափակման. կամ ինտերնետ պրովայդերների թողունակության կրճատման։
Ավելի վաղ «Լրագրողներ առանց սահմանների» իրավապաշտպան կազմակերպությունը քննադատությամբ է հանդես եկել այս օրինագծի վերաբերյալ։
«Սոցիալական ցանցերը Թուրքիայում քննադատական լրագրության վերջին ապաստանն են։ Սա Թուրքիայի «քաղաքականապես թուլացած» նախագահ Ռեջեփ Թայիփ Էրդողանի միակ պատասխանն էր ՝ ուղղված առցանց կոշտ քննադատություններին»,- նշել են իրավապշտպանները։
Կազմակերպության տվյալներով՝ Թուրքիայում 37 միլիոն մարդ է օգտվում Facebook- ից, իսկ 16 միլիոնը ՝ Twitter- ից:
