18.02.2026 | 14:35
Շունը հայտնվել է օլիմպիական մրցուղում ու հատել եզրագիծը․ ՏԵՍԱՆՅՈՒԹ
ՌԴ-ն և Ուկրաինան զոհված զինծառայողների մարմիններ են փոխանակել
Քաղաքականություն
16.05.2025 | 20:10
Ռուսաստանը և Ուկրաինան Կարմիր Խաչի միջազգային կոմիտեի (ԿԽՄԿ) միջնորդությամբ իրականացրել են զոհված զինծառայողների մարմինների հերթական փոխանակումը։ 909 մարմին է վերադարձվել Ուկրաինային։
Ռազմագերիների հետ վերաբերմունքի ուկրաինական համակարգող շտաբի տվյալներով՝ դրանք Ռուսաստանի տարածքում գտնվող դիահերձարաններից վերցված մարմիններ են, ինչպես նաև Կուրախովսկի, Պոկրովսկի, Բախմուտի, Ուգլեդարսկի, Լուգանսկի, Զապորոժիեի, Սումիի և Խարկովի ուղղություններով մարտերի գոտիներում վերջերս զոհվածների մարմիններ են։
«Իրավապահ մարմինների քննիչները, Ներքին գործերի նախարարության փորձագիտական հաստատությունների հետ համատեղ, հնարավորինս շուտ կպարզեն մահացածների ինքնությունը»,- ասվում է հայտարարության մեջ։
Ռուսաստանն էլ ստացել է 34 զինվորի մարմին։ Այս մասին ՌԲԿ-ին հայտնել է Պետդումայի պատգամավոր Շամսայիլ Սարալիևը։
Նախորդ նմանատիպ փոխանակումը կողմերի միջև տեղի էր ունեցել մարտի 28-ին, երբ 43 մարդու մարմին վերադարձվել էր Ռուսաստանին, 909-ը՝ Ուկրաինային։
Թարգմանությունը՝ Էմմա Չոբանյանի
