21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Ֆրանսիան լիովին աջակցում է Հայաստանին և Ադրբեջանին խաղաղության համաձայնագրի ստորագրման ճանապարհին․ Մակրոն
Քաղաքականություն
16.05.2025 | 19:08
Ֆրանսիան լիովին աջակցում է Հայաստանի և Ադրբեջանի ջանքերին՝ վերջնական խաղաղության հասնելու և խաղաղության պայմանագիր կնքելու ուղղությամբ։ Այս մասին հայտարարել է Ֆրանսիայի նախագահ Էմանուել Մակրոնը՝ ելույթ ունենալով Տիրանայում մեկնարկած Եվրոպական քաղաքական համայնքի 6-րդ գագաթնաժողովի լիագումար նիստում։
«Ես հավատում եմ, որ Հայաստանի և Ադրբեջանի միջև ամեն ինչ կավարտվի խաղաղության պայմանագրի ստորագրմամբ, և ես ուզում եմ Նիկոլին [ՀՀ վարչապետ Նիկոլ Փաշինյան] և Իլհամին [Ադրբեջանի նախագահ Իլհամ Ալիև] ասել, որ մենք լիովին աջակցում ենք ձեզ այս համաձայնագրի ստորագրման ճանապարհին»,- հայտարարել է Ֆրանսիայի նախագահը։
Հիշեցնենք, որ այսօր ավելի վաղ գագաթնաժողովի շրջանակում Ֆրանսիայի նախագահ Էմանուել Մակրոնն ու Ադրբեջանի նախագահ Իլհամ Ալիևը զրույց էին ունեցել ՀՀ վարչապետ Նիկոլ Փաշինյանի ներկայությամբ։
Էմմա Չոբանյան
