19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Մակրոնը Փաշինյանի ներկայությամբ զրուցել է Ալիևի հետ․ ՏԵՍԱՆՅՈՒԹ
Քաղաքականություն
16.05.2025 | 15:25
Ալբանիայում ընթացող Եվրոպական քաղաքական համայնքի 6-րդ գագաթնաժողովի շրջանակում Ֆրանսիայի նախագահ Էմանուել Մակրոնն ու Ադրբեջանի նախագահ Իլհամ Ալիևը զրույց են ունեցել։ Զրույցի տեսանյութը հրապարակել են ադրբեջանական լրատվամիջոցները։
Կադրերից երևում է, որ զրույցին ներկա է նաև ՀՀ վարչապետ Նիկոլ Փաշինյանը։ Մակրոնը մերթ խոսում է Ալիևի, ապա՝ Փաշինյանի հետ։
Հիշեցնենք, որ Մակրոնի և Ալիևի այս շփումը տեղի է ունենում Փարիզի ու Բաքվի լարված հարաբերություններին ֆոնին։ Ադրբեջանի նախագահը բազմիցս տարբեր մեղադրանքներ է հնչեցրել անձամբ Մակրոնի ու Ֆրանսիայի հասցեին՝ մեղադրելով, իբր, գաղութատիրության ու այլ հանցանքների մեջ։
Հավելենք, որ Ադրբեջանի կողմից հակաֆրանսիական պետական արշավի շրջանակում այդ երկրի իշխանությունների կողմից 2023 թվականի հուլիսի 6-ին ստեղծվել է Բաքվի նախաձեռնող խումբ, որը Փարիզի դեմ տարբեր միջոցառումներ է անցկացնում՝ դրանում ներգրավելով ֆրանսիական անդրծովյան տարածքների ներկայացուցիչներին։ Այն կազմակերպել է մեկ տասնյակից ավելի միջազգային համաժողովներ, որոնցից մի քանիսը՝ ՄԱԿ-ի կենտրոնակայաններում՝ Նյու Յորքում, Ժնևում և Վիեննայում, Ստամբուլում, Բաքվում։
Ադրբեջանը նաև ֆինանսավորում է Ֆրանսիայի և Կորսիկայի անդրծովյան տարածքների տարբեր ներկայացուցիչներին։ Ֆրանսիայի ներքին գործերի նախարարն էլ նախորդ տարի Բաքվին մեղադրել էր Նոր Կալեդոնիայում տեղի ունեցած անկարգություններին մասնակցության մեջ։
Թարգմանությունը՝ Էմմա Չոբանյանի
