21.05.2026 | 19:54
Պիտի նենց գետինը մտնի, որ ժողովրդի աչքին չերևա. Ծառուկյանը` Փաշինյանին
ՇՎՏՄ-ն Վանաձորի բենզալցակայաններում և շինանյութի խանութներում խախտումներ է արձանագրել
22.07.2020 | 19:24
Շուկայի վերահսկողության տեսչական մարմինն այսօր մշտադիտարկում և կրկնայցեր է իրականացրել Վանաձոր և Երևան քաղաքներում:
Վանաձորում տեղի ունեցած մշտադիտարկման ընթացքում տեսչական մարմնի աշխատակիցները խախտումներ են հայտնաբերել շինանյութի առևտրի մի քանի կետերում և բենզալցակայաններում: Մասնավորապես՝ բացակայել են ջերմաչափերը և ջերմաչափման գրանցամատյանները, դիմակների ու ձեռնոցների համար նախատեսված հատուկ փակ աղբամանները:
Տեսչական մարմնի աշխատակիցները կրկնայցեր են կատարել «Ոսկու աշխարհ» առևտրի կենտրոնում, որտեղ նախկինում դիտարկված թերություններն արդեն վերացված են եղել:
Խախտումների վերաբերյալ կազմվում են արձանագրություններ, որոնք ուղարկվում են պարետատուն: ՀՀ ողջ տարածքում տեսչական մարմնի կողմից իրականացվող մշտադիտարկման գործընթացը շարունակվում է:
Հիշեցնենք, որ Շուկայի վերահսկողության տեսչական մարմինը պարետի՝ մայիսի 3-ի N63 որոշման համաձայն՝ շարունակում է մշտադիտարկում իրականացնել առևտրի կենտրոններում, տոնավաճառներում, շինարարական խանութներում, հեղուկ վառելիքի, սեղմված բնական կամ հեղուկացված նավթային գազերի մանրածախ առևտրի կետերում՝ պարետատան սահմանած հակահամաճարակային անվտանգության նորմերի պահպանման նկատմամբ:
