10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Իրանում նախկին լրագրողը մահապատժի է դատապարտվել անկարգություններ հրահրելու համար Reuters
Քաղաքականություն
30.06.2020 | 18:15
Իրանը մահապատժի է դատապարտել անցյալ տարի արտերկրում ձերբակալված նախկին լրագրող Ռուհոլլա Զամին՝ 2017 թ-ի վերջին լրատվամիջոցներից մեկով «հակակառավարական անկարգություններ հրահրելու համար»: Այս մասին հայտնում է Reuters գործակալությունը՝ վկայակոչելով իրանական ԶԼՄ-ները:
Ըստ աղբյուրի՝ ընդիմադիր ակտիվիստը ժամանակին ղեկավարում էր Ամադնյուզ կայքը, որը ուներ ավելի քան 1 միլիոն հետևորդ: Կայքը արգելափակվել է այն բանից հետո, երբ երկրի իշխանությունները մեղադրել են լրատվամիջոցին բողոքի ցույցերի ընթացքում բռնության կոչեր անելու մեջ: Որոշ ժամանակ անց լրատվամիջոցը վերաբացվել է այլ անունով:
2019թ-ի հոկտեմբերին Իրանի «Իսլամական հեղափոխության պահապանների կորպուսը» հայտարարեց, որ «համալիր հետախուզական գործողությունների արդյունքում» իրենց հաջողվել է պարզել Զամի գտվելու վայրը: Նախկին լրագրողը քաղաքական ապաստան էր ստացել Ֆրանսիայում, բայց գործունեություն էր ծավալում Եվրոպայի տարբեր վայրերում:
Ըստ «Միզան» գործակալության, դատական համակարգի խոսնակ Ղոլամհոսեյն Էսմայիլին ասել է, որ Հեղափոխական դատարանը Զամին «մեղադրում է մի արարքի մեջ, որը ենթակա է մահապատժի»: Միաժամանակ նա հավելել է, որ վճիռը կարող է բողոքարկվել:
Իրանի պաշտոնյաները մեղադրել են իրենց գլխավոր հակառակորդ ԱՄՆ-ին, Թեհրանի՝ տարածաշրջանային մրցակից Սաուդյան Արաբիային և աքսորում գտնվող կառավարության հակառակորդներին՝ անկարգություններ հրահրելու մեջ, որոնք սկսվել են տնտեսական դժվարությունների դեմ դժգոհությունների ու բողոքների տեսքով և տարածվել ամբողջ երկրում:
Երկրի պաշտոնյաները հայտնում են, որ անկարգությունների ժամանակ զոհվել է 21 մարդ և ձերբակալվել են հազարավոր մարդիկ:
