19.09.2026 | 22:19
Եկեղեցու վերաբերյալ զեկույցի նախագիծը պատրաստ է․ չեմ բացառում՝ ԱԺ-ում քննիչ հանձնաժողով ստեղծվի․ Նիկոլ Փաշինյան․ ՏԵՍԱՆՅՈւԹ
Հայերը տեսահսկման համակարգեր են տեղադրել սահմանի երկայնքով, այդ պատճառով շփման գծում իրավիճակը հանգիստ է․ Զաքիր Հասանով
Քաղաքականություն
22.06.2020 | 21:53
Ադրբեջանի պաշպանության նախարար Զաքիր Հասանովը ադրբեջանական CBC հեռուստաալիքին տված հարցազրույցում անդրադարձել է վերջին 2 տարում արցախա-ադրբեջանական սահմանին տիրող հարաբերական հանգիստ վիճակին։
Պատասխանելով լրագրողի հարցին՝ Հասանովը նախ նշել է, որ բանակցություններ են ընթանում, ապա հավելել, որ հայերը սահմանին տեսահսկման համակարգեր են տեղադրել։
«Հայերն ԱՄՆ-ում իրենց հովանավորների շնորհիվ տեսահսկման համակարգեր են գնել և տեղադրել շփման գծի երկայնքով և հետ քաշվել, որպեսզի մենք նրանց չկարողանանք հասնել հրաձգային զենքով։ Ես այդ մասին ասել եմ ԱՄՆ ներկայացուցիչներին, նրանք այդպես էլ չկարողացան բացատրել՝ ինչպես են արել»,- ասել է Հասանովը։
Նրա ասածից կարելի է ենթադրել, որ տեսահսկման համակարգերի առկայությունն է, որ ինչ-որ չափով զսպում է ադրբեջանական կողմին հարձակումներ չիրականացնել հայկական կողմի ուղղությամբ։ Հակառակ դեպքում, այդ համակարգերի միջոցով հնարավոր է արագորեն պարզել, թե որ կողմն է խախտել հրադադարը։
Ադրբեջանի պաշտպանության նախարարը նաև նշել է, որ հայերն առավելություն ունեն, քանի որ շփման գծում չունեն բնակավայրեր, իսկ ռազմաճակատում անհանգիստ իրավիճակների դեպքում «հարվածում են ադրբեջանական բնակավայրերին»։
Էմմա Չոբանյան
