27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Փաշինյանն Արսեն Թորոսյանին կոչ արեց հասցեներով հրապարակել կորոնավիրուսով վարակվածների տվյալները. ՏԵՍԱՆՅՈՒԹ
18.06.2020 | 13:34
Կառավարության նիստում վարչապետ Նիկոլ Փաշինյանը կոչ արեց առողջապահության նախարար Արսեն Թորոսյանին՝ հրապարակել ոչ թե կորոնավիրուսով վարակված թաղամասերը, այլ շենքերի հասցեները:
«Պետք է ոչ թե թաղամասերով, այլ շենքերով, հասցեներով հրապարակել, թե որտեղ կորոնավիրուսով քանի հիվանդ կա: Ով չի հավատում, թող գնան տեսնեն: Այսքան ժամանակ չենք կարողացել գոնե մեկ քաղաքացու համոզել, որ գա, կանգնի ասի, որ իր հարազատը մահացել է: Չնայած իրենց սուգն էլ ենք հասկանում»,- ասաց նա:
Արսեն Թորոսյանն արձագանքեց, որ կարելի է, ասենք, բազմաբնակարան շենքի հասցեն հրապարակել, իրենք դրանով կզբաղվեն:
Փաշինյանը, սակայն, զայրացած շարունակեց. «Երբ որ սահմանափակումներ էինք դրել կորոնավիրուսի հետ կապված ինֆորմացիա տարածելու, դա էլ, պարզվեց, խոսքի ազատությունն ենք խախտում: Հիմա չենք խախտում, ով ինչ հիմարություն ասես՝ ասում է: Ասում են՝ կորոնավիրուս չկա, վթարից մահացածի հարազատներին փող են տալիս, որ համաձայնեն ասել՝ իրենց հարազատը կորոնավիրուսից է մահացել»։
Մանրամասները՝ տեսանյութում։
