«Կորոնավիրուս. առաջնագծում պայքարողները» թեմայով քննարկում. ՈՒՂԻՂ

Կորոնավիրուսի բռնկման սկզբնական շրջանում կառավարությունները հասկանում էին, որ տնտեսական վնասներ կլինեն, սակայն մեզանից ոչ ոք չէր հաշվարկել այն խուճապն ու վախը, որը տարածվեց։ Այս մասին «Կորոնավիրուս. առաջնագծում պայքարողները» թեմայով առցանց քննարկման ընթացքում նշեց 2018 թ. «Ավրորայի» հերոս Սունիտա Քրիշնան։

«Իմ երկրում (Հնդկաստան) հանրային առողջապահական համակարգը շատ թույլ է։ Կառավարությունը որոշեց, որ COVID-19-ով վարակված հիվանդները միայն պետական բուժհաստատություններում պետք է բուժում ստանան։ Եվ հանկարծ առողջապահական համակարգը կոլապսի ենթարկվեց․ վարակվում էին բժիշկներ, բուժքույրեր, ոստիկաններ։ Իսկ այժմ մահճակալների ու բժիշկների պակաս կա»,- նշեց Սունիտա Քրիշնան։

«Ավրորա» մրցանակի փորձագետների խորհրդի անդամ, «Քրայսիս էքշըն» (Crisis Action) կազմակերպության գործադիր տնօրեն Էնդրյու Հադսոնի կարծիքով՝ այս օրերին բոլորն են խոցելի դարձել և ծայրահեղ սթրեսային վիճակում հայտնվել։ Միջազգային ճգնաժամային խմբի աֆրիկյան ծրագրի ղեկավար, «Ավրորա» մրցանակի փորձագետների խորհրդի անդամ Քոմֆորթ Էրոյի կարծիքով էլ՝ գոհացուցիչ է եղել տեսնելը, թե ինչպես են իր գործընկերները համավարակի այս պայմաններում շարունակել աշխատել։

«Իմ գործընկերները գիտակցաբար են մոտեցել այն միջավայրին, որում աշխատում են։ Հատկապես Աֆրիկայում դժվար է, որովհետև այնտեղ տնտեսության մեծ մասը ոչ պաշտոնական է և այդ բաժնում հիմանակնում կանայք են աշխատում։ Մեր ամենամեծ մարտահրավերներից մեկն այդ կանանց աջակցելն է եղել։ Նաև գոհացնող է այն, թե ինչպես են մեր գոծընկերները կորոնավիրուսի պայմաններում կարողացել համատեղել աշխատանքն ու ընտանեկան կյանքը և հավասարակշռություն պահել»,- ասաց Քոմֆորթ Էրոն։

Մանրամասները՝ տեսանյութում։

Նելլի Մելքոնյան