26.09.2026 | 15:55
Սաուդյան Արաբիան չի բացառում միջուկային զենքի մշակման հնարավորությունը․ ԱՄՆ հետախուզություն
Ադրբեջանում պաշտոնյային աշխատանքից ազատել են քրիստոնեություն ընդունելու պատճառով
Քաղաքականություն
10.06.2020 | 18:45
Հունիսի 10-ին Բաքվի Վերաքննիչ դատարանը քննել է Ադրբեջանի խորհրդարանի միջազգային հարաբերությունների վարչության նախկին աշխատակից Ռահիմ Ախունդովի հայցը։
Ադրբեջանական լրատվամիջոցների փոխանցմամբ՝ նա հայտարարել է, թե իրեն աշխատանքից հեռացրել են կրոնական խտրականության պատճառով, մասնավորապես՝ քրիտոնեության ընդունելու համար։
Ախունդովը նշել է, որ աշխատանքից պաշտոնապես ազատելուց առաջ մի շարք իշխանամետ լրատվամիջոցներ արդեն հայտնել են իր պաշտոնանկության մասին՝ կրոնը փոխելու պատճառով։
«Նախօրոք ինչպե՞ս կարող էին իմանալ իմ հեռացման մասին»,- Ախունդովի խոսքերն է մեջբերում Turan գործակալությունը։
Նա նաև նշել է, որ խորհրդարանի խոսնակ Օգթայ Ասադովը իր՝ աշխատանքից ազատման մասին հրամանը ստորագրել է 2018 թվականի դեկտեմբերի 25-ին, երբ այցով եղել է Իրանում, և ֆիզիկապես չէր կարող դա անել։
Վերաքննիչ դատարանը Ախունդովի ազատման որոշումն ուժի մեջ է թողել։ Նա մտադիր է բողոք ներկայացնել Ադրբեջանի Գերագույն դատարան։
Էմմա Չոբանյան
