11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
ՍԴ-ում Վահե Գրիգորյանը որևէ գործառույթ չի իրականացրել․ ստացել է 15 մլն դրամ աշխատավարձ․ Ա․ Կոստանյան. ՏԵՍԱՆՅՈՒԹ
Հասարակություն
09.06.2020 | 15:22
ՍԴ դատավոր Վահե Գրիգորյանը 1 տարի շարունակ իր լիազորությունների շրջանակում գտնվող որևիցե գործառույթ չի իրականացրել, բայց շարունակել է ստանալ իր ամենամսյա աշխատավարձը։ Այս մասին այսօր ասաց «Լուսավոր Հայաստան» խմբակցության պատգամավոր Աննա Կոստանյանը ԱԺ պետաիրավական հարցերի մշտական հանձնաժողովի նիստում ՀՀ 2019թ. Պետբյուջեի կատարողականի քննարկման ժամանակ ժամանակ։
«Որքանով տեղյակ եմ՝ որևէ գործառույթ չի իրականացրել, բայց պարտաճանաչ ստացել է աշխատավարձ, պարգևավճար, օգտվել ծառայողական մեքենայից, մեքենայի համար ստացել է վառելանյութ: Մեկ տարում մոտ 15 միլիոն դրամ աշխատավարձ է ստացել, իսկ իրեն մակագրված գործերը չի կատարել: Կհաստատեք կամ կհերքե՞ք այս տեղեկությունները»,- նշեց պատգամավորը՝ դիմելով ՍԴ աշխատակազմի ղեկավար Էդգար Ղազարյանին։
Ղազարյանը հաստատեց, որ ՍԴ դատավորը չի մասնակցել որևէ նիստի, սակայն հավելեց, որ Վահե Գրիգորյանը հավելավճար կամ պարգևավճար չի ստանում։
Մանրամասները՝ տեսանյութում։
