19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
Ո՞վ է նշանակվելու Հայաստանի նոր ոստիկանապետ
Քաղաքականություն
08.06.2020 | 15:46
Ինչպես հայտնել ենք, վարչապետ Նիկոլ Փաշինյանի որոշմամբ Արման Սարգսյանն ազատվել է ՀՀ ոստիկանապետի պաշտոնից։ Նրան այդ պաշտոնում կփոխարինի նրա տեղակալը՝ Վահե Ղազարյանը։ Վարչապետի այս որոշումն ուժի մեջ կմտնի ՀՀ նախագահի համապատասխան հրամանագրի ստորագրումից հետո:
ՀՀ նոր ոստիկանապետը ծնունդով Տավուշի մարզից է, 46 տարեկան։ 1995 թվականին ավարտել է Երևանի պետական համալսարանի տնտեսագիտության ֆակուլտետը, 2009-ին՝ Երևանի պետական համալսարանի իրավագիտության ֆակուլտետը: Ծառայել է Զինված ուժերում։ 2003-2004 թվականներին Ոստիկանության Տավուշի մարզային ՆԳ վարչության շտաբի տեսուչ է աշխատել, 2005-2007 թվականներին՝ ՀՀ ոստիկանության Տավուշի մարզային վարչության քրեական հետախուզության խմբի թմրաբիզնեսի և թմրամոլության դեմ պայքարի օպերլիազոր է եղել, 2007-2008 թվականներին՝ ավագ օպերլիազոր։
Վահե Ղազարյանը 2009-2012 թվականներին զբաղեցրել է ՀՀ ոստիկանության Տավուշի մարզային վարչության Իջևանի բաժնի քրեական հետախուզության բաժանմունքի պետի, իսկ 2012-2016 թվականներին՝ ՀՀ ոստիկանության Տավուշի մարզային վարչության Իջևանի բաժնի օպերատիվ գծով պետի տեղակալի պաշտոնները։ 2016-2018 թվականներին Ղազարյանն զբաղեցրել է ՀՀ ոստիկանության Տավուշի մարզային վարչության Դիլիջանի բաժնի պետի պաշտոնը, ապա 2018-ից 2019 թվականներին եղել է ՀՀ ոստիկանության Տավուշի մարզային վարչության պետ:
Անցած տարի մայիսի 22-ին ՀՀ նախագահի հրամանագրով նշանակվել է Հայաստանի Հանրապետության ոստիկանության զորքերի հրամանատար, ոստիկանության պետի տեղակալի պաշտոնում։ Պարգևատրվել է ՀՀ ոստիկանության գերատեսչական մեդալներով և կրծքանշաններով:
Ամուսնացած է, ունի մեկ դուստր, երկու որդի:
