15.12.2024 | 19:20
Տանիքում շինարարական աշխատանքներ իրականացնելիս հանկարծամահ է եղել
Մեր հաշվարկներն էլ են ցույց տալիս, որ գազի գնի որոշակի բարձրացման անհրաժեշտություն կա. Գարեգին Բաղրամյան. ՏԵՍԱՆՅՈՒԹ
Տնտեսություն
08.06.2020 | 12:13
««Գազպրոմ»-ը հայտով ներկայացրել է գազի սակագնի վերաբերյալ իրենց հաշվարկները, մեր աշխատակազմը ներկայացրել է իր դիրքորոշումը, հիմա սկսել ենք հանրային քննարկումների փուլը և դա ամփոփվելու է հանձնաժողովի նիստում։ Այս ամսվա մեջ տեղի կունենա այդ նիստը, բայց կոնկրետ օր չեմ կարող նշել»,- այս մասին այսօր ԱԺ-ում ասաց ՀԾԿՀ նախագահ Գարեգին Բաղրամյանը՝ խոսելով գազի սակագնի հնարավոր վերանայման մասին։
«Դժվար է այս պահին ասել՝ սակագինը կբարձրանա, թե՝ ոչ, բայց «Գազպրոմի» տնօրենի խոսքից հասկացել եմ, նաև մեր հաշվարկներն էլ ցույց են տալիս, որ այսօրվա գործող գները որոշակի բարձրացման անհրաժեշտություն ունեն։ «Գազպրոմ Արմենիա»-ի հետ քննարկում ենք տասը տարվա կայուն սակագին ունենալու հնարավորությունները։ «Գազպրոմը» միջին գին առաջարկել է 283 դոլար, իսկ այսօրվա գործողը՝ 255 դոլար է, մեր աշխատակազմն առաջարկել է 266,7 դոլար, ընդ որում՝ առաջարկվում է այն բաշխել սպառողների միջև այնպես, որ բնակչության և սոցիալապես անապահով խմբերի համար սակագների փոփոխություն չլինի»,-շեշտեց Բաղրամյանը։
Մանրամասները՝ տեսանյութում:
Մերի Մարտիրոսյան
