19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
«Իմ ավտոտնակն է, լավ եմ անում՝ դիմակ չեմ դնում»․ Սայաթ Շիրինյանը՝ Դանիել Իոաննիսյանին․ ՏԵՍԱՆՅՈՒԹ
07.06.2020 | 22:10
«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանն այսօր դիմակ կրելու իրազեկման ակցիա էր կազմակերպել, որի շրջանակում դիմակ չունեցող քաղաքացիներին հորդորում էր կրել այն, իսկ նրանց, ովքեր չունեին դիմակ, տրամադրում էր։
Իրազեկման ակցիայի շրջանակում Իոաննիսյանն իր ուղեկիցների հետ մոտեցել է ՏԿԱԻՆ Ճգնաժամային կառավարման ակադեմիայի նախկին պրոռեկտոր, գնդապետ Սայաթ Շիրինյանին, որն ավտոտնակում իր մեքենան էր մաքրում։
Իոաննիսյանի՝ «Դիմակ կրեք» հորդորին Սայաթ Շիրինյանը կոպիտ արձագանքեց՝ ասելով․ «Իմ ավտոտնակն է, իմ տունն է, լավ եմ անում՝ դիմակ չեմ դնում»։
Շիրինյանը հորդորեց իրեն ցույց տալ մի որոշում, համաձայն որի՝ պարտավոր է իր տանը կամ անձնական տարածքում ևս դիմակ դնել։ Կողմերը հասան նրան, որ սկսեցին միմյանց հետ բարձր տոնով խոսել, իսկ Շիրինյանն Իոաննիսյանին հորդորեց հեռանալ։ «Մի ոտք էլ առաջ եկար, բերնիդ կուտես»,- ասաց նա։
Մանրամասները՝ տեսանյութում։
