30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Ադրբեջանի որոշ քաղաքաներում 2-օրյա կարանտին է հայտարարվել․ Deutsche Welle
Քաղաքականություն
06.06.2020 | 15:50
Ադրբեջանի մայրաքաղաք Բաքվում և մի քանի խոշոր քաղաքներում հանգստյան օրերին կարանտին է հայտարարվել։ Իշխանություններն այս քայլին են գնացել՝ երկրում կորոնավիրուսի տարածումը կանխարգելելու նպատակով։ Այս մասին հայտնում է Deutsche Welle-ն։
Պարտադիր ինքնամեկուսացման կարգը խախտողների համար սահմանված է տուգանք՝ 58-117 դոլարի չափով։ Բացառություններ գործելու են միայն անհետաձգելի բժշկական օգնության անհրաժեշտություն ունեցող և հարազատի հուղարկավորությանը մասնակցել ցանկացող քաղաքացիների դեպքում։
Հանգստյան օրերին դադարեցվելու է նաև հանրային տրանսպորտի աշխատանքը։
Հավելենք, որ ըստ worldometers.info վիճակագրական կայքի՝ Ադրբեջանում մինչ օրս գրանցվել է կորոնավիրուսով վարակման 6․860 դեպք։ Երկրում կորոնավիրուսից մահացել է 82 քաղաքացի։
Նելլի Մելքոնյան
