19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Մեր առողջապահական ոլորտը իսկապես հրաշքներ է գործում․ Փաշինյան
05.06.2020 | 19:32
«Մեր առողջապահական համակարգն այսօր հրաշքներ է գործում: Մարդիկ հուսահատ մահամերձ վիճակից վերադառնում են կյանքին»,- այս մասին այսօր պարետատան նիստի ավարտից հետո ասաց վարչապետ Նիկոլ Փաշինյանը:
Նա նաև կոչ արեց աջակցել առողջապահական համակարգին․ «Մեր խնդիրն է այնպես անել, որ մեր առողջապահական համակարգի կարողությունները չսպառվեն: Եթե շատ կոպիտ ձևակերպեմ, մենք պետք է կարողանանք հիվանդանալ, վարակվել այնքան, որքանով մեր առողջապահական համակարգը կարող է ընդունել, ինչքանով ունենա մահճակալային տեղ, ինչքանով ունենա վերակենդանացման բաժանմունքի տեղ: Իհարկե, մենք այս հզորությունները զարգացնում ենք, կառավարությունը ոչ մի միջոց չի խնայի այս հզորությունների զարգացման համար, բայց մյուս կողմից՝ մեզնից յուրաքանչյուրի անհատական վարքագիծը հակահամաճարակային շարժումն է, որով պետք է հաղթահարենք այս անորոշ վիճակը: Ես պարտավոր եմ հավատալ ՀՀ քաղաքացու վարքագծով սարեր շուռ տալու հնարավորությանը»,- ասաց Փաշինյանը:
Մանրամասները՝ տեսանյութում։
