19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ձեռնոցն ալկոգելով մշակման ենթակա չէ, այն կրկնակի օգտագործել կատեգորիկ չի թույլատրվում․ համաճարակաբան. ՏԵՍԱՆՅՈՒԹ
04.06.2020 | 17:03
Ձեռնոցը միանվագ օգտագործման անհատական պաշտպանիչ միջոց է։ Այսինքն՝ այն կրկնակի օգտագործել կատեգորիկ չի թույլատրվում։ Ձեռնոցն ալկոգելով կամ նմանատիպ մաշկային հականեխիչ նյութերով մշակման ենթակա չէ։ Այս մասին այսօր՝ կորոնավիրուսի միֆերի վերաբերյալ մասնագիտական քննարկման ընթացքում նշեց ԵՊԲՀ համաճարակաբանության ամբիոնի դասախոս, բ․գ․թ․ Մերի Տեր-Ստեփանյանը։
«Ձեռնոցը կիրառելի է կարճատև ընթացքի համար՝ հպումը մաքսիմալ նվազեցնելու։ Բայց եթե կեղտոտ ձեռնոցը հպվելու է դեմքին, ապա այն կարող է դառնալ հակառակ ազդեցություն ունեցող գործիք և նպաստել վարակի տարածմանը։ Այս տեսակետից՝ ձեռնոց կրելը ստեղծում է լրացուցիչ կեղծ պաշտպանվածության զգացում, և մարդը խորշում է ձեռքերի հիգիենայից։ Վարակի տարածման առումով՝ սա լրացուցիչ ռիսկ է ավելացնում»,- ասաց համաճարակաբանը։
Մանրամասները՝ տեսանյութում։
Նելլի Մելքոնյան
