17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
COVID-19-ից մահանալու հավանականությունն ավելի բարձր է, քան նմանատիպ այլ վարակներից․Դ․ Մելիք-Նուբարյան. ՏԵՍԱՆՅՈՒԹ
04.06.2020 | 16:03
Կորոնավիրուսից մահանալու հավանականությունը շատ ավելի բարձր է, քան նմանատիպ այլ վարակներից, որոնց մարդկությունը սովոր է։ Ակնհայտ է, որ կորոնավիրուսից պետք է զգուշանալ։ Այս մասին այսօր՝ կորոնավիրուսի միֆերի վերաբերյալ մասնագիտական քննարկման ընթացքում նշեց ԵՊԲՀ դասախոս, հանրային առողջության մասնագետ Դավիթ Մելիք-Նուբարյանը։
«Եթե զուգահեռներ տանենք H1N1 վարակի հետ, ապա, համաձայն ԱՄՆ Հիվանդությունների կանխարգելման և վերահսկման կենտրոնի՝ համավարակի առաջին տարում՝ 2009 թվականին, այնտեղ մահացել էր ընդամենը շուրջ 12․500 մարդ։ Բայց ներկայում մենք տեսնում ենք, որ ընդամենը մի քանի ամսվա ընթացքում նույն ԱՄՆ-ում մահերի թիվը գերազանցել է 100 հազարը։ Որոշ եվրոպական երկրներում մահաբերությունը մինչև 10% կարող է լինել»,- ասաց Մելիք-Նուբարյանը։
Մասնագետը ներկայացրեց կորոնավիրուսի մահաբերության վրա ազդող գործոններից մի քանիսը․ «Առաջինը բնակչության տարիքային կազմն է և խրոնիկական հիվանդություններ ունեցողների տեսակարար կշիռը։ Վիճակագրությունը վկայում է, որ կորոնավիրուսի դեպքում 40 տարեկանից բարձր մահացության հավանականության կորն էապես ավելանում է։ Երկրորդ գործոնն առողջապահության համակարգի պատրաստված լինելն է, որովհետև եթե մենք կարողանում ենք այդ կորը հարթեցնել, կանխարգելել առողջապահության համակարգի գերբեռնվածությունը, ինչ-որ մի պահի կկարողանանք նվազեցնել վարակի տարածումը»։
Մանրամասները՝ տեսանյութում։
Նելլի Մելքոնյան
