03.08.2026 | 22:03
«Հայաստան» դաշինքի պատգամավորի թեկնածուին և շտաբներից մեկի ղեկավարին առնչվող քրեական վարույթի նախաքննությունն ավարտվել է. ՔԿ
«Ֆեյք նյուզ է»․ Թեա Ծուլուկիանին՝ Վրաստանի վարչապետի հնարավոր հրաժարականի մասին
Քաղաքականություն
04.06.2020 | 15:15
Վրաստանի արդարադատության նախարար Թեա Ծուլուկիանին այսօր հրավիրված ճեպազրույցում անդրադարձել է վարչապետ Գիորգի Գախարիայի հնարավոր հրաժարականի մասին լուրերին՝ դրանք կեղծ որակելով։
«Կեղծ տեղեկություն է, այսպես կոչված՝ «ֆեյք նյուզ»։ Ոչ ոք չի հեռանում։ Պարոն Գախարիան վարչապետ է, որը մեր թիմը տանելու է ընտրություններում հաղթանակի»,- «Sputnik Georgia»-ի փոխանցմամբ՝ ասել է Ծուլուկիանին։
Նրա խոսքով՝ բոլոր նախարարները մնալու են իրենց պաշտոններում, իսկ Կառավարությունը պայքարելու է ապատեղեկատվության աղբյուրների դեմ։
«Սա լինելու է թիմ, որը ոչ միայն հաղթելու է համաճարակին, ոչ միայն երկրի համար առանց վիզայի ռեժիմ է ապահովելու, այլև բերելու է մեծ եվրաինտեգրացիայի։ Սա լինելու է նաև կառավարական թիմ, Կառավարություն, խորհրդարան, որը թափանցիկ, ժողովրդավարական ընտրություններով կրկին հաղթելու է «ֆեյք նյուզ» տարածող ընդդիմությանը»,- ասել է Թեա Ծուլուկիանին։
Նշենք, որ արդեն մի քանի օր է՝ վրացական լրատվամիջոցներում վարչապետ Գիորգի Գախարիայի և մի քանի նախարարների հրաժարականի մասին լուրեր են պտտվում։
