21.05.2026 | 12:34
Արքայազն Ուիլյամը բուռն է արձագանքել «Ասթոն Վիլայի» հաղթանակին եզրափակիչում․ ՏԵՍԱՆՅՈՒԹ
Պահակը շփվել է վարակվածի հետ. թիվ 24 մանկապարտեզը 7 օրով փակվեց. ՏԵՍԱՆՅՈՒԹ
04.06.2020 | 11:56
Պարետատան հետ համագործակցությամբ, ԿԵ կրթության տեսչական մարմնի աշխատակիցներն ամեն օր Երևանի վարչական շրջաններից մեկում ուժեղացված դիտարկումներ են իրականացնում։ Factor.am-ի հետ զրույցում այս մասին ասաց տեսչական մարմնի ղեկավարի տեղակալ Լուսինե Հովհաննիսյանը։
Նա նշեց, որ մշտադիտարկման արդյունքներն ուղարկում են պարետատուն, բայց չեն շտապում կասեցման հրամաններ ունենալ․ «Որովհետև մանկապարտեզ են հաճախում այն երեխաները, որոնց ծնողները պարտադրված են աշխատանքի գնում, և փակել մանկապարտեզը՝ նշանակում է՝ մի քանի օր այդ ծնողներին դնել անհարմար վիճակի մեջ, գուցե՝ աշխատանքը կորցնելու»։
Լուսինե Հովհաննիսյանը, միաժամանակ, տեղեկացրեց, որ պարետի երեկվա որոշման համաձայն՝ Արաբկիր վարչական շրջանի թիվ 24 մանկապարտեզի կասեցման հրաման ունեին։
«7 օրով կասեցվեց թիվ 24 մանկապարտեզի գործունեությունը։ Եվս մեկ կասեցման հրաման ունեինք Նորք-Մարաշի թիվ 122 մանկապարտեզի համար։ Այնտեղ աշխատանքները կասեցվեցին մեկ օրով»,- նշեց տեսչական մարմնի ղեկավարի տեղակալը։
Մանրամասները՝ տեսանյութում։
