28.03.2026 | 11:56
ԲՏԱ նախարարը հանդիպել է ամերիկյան Synopsys-ի ներկայացուցիչների հետ
Ծանր և ծայրահեղ ծանր քաղաքացիների թիվը տատանվում է 500-ի սահմաններում․ նախարար. ՏԵՍԱՆՅՈՒԹ
01.06.2020 | 19:27
Պարետատան նիստից հետո հրավիրված ասուլիսի ժամանակ առողջապահության նախարար Արսեն Թորոսյանն ասաց, որ կորոնավիրուսի վարակի հաստատված դեպքերի թիվը մոտեցել է 10 հազարի: «Մենք շեշտել ենք բազմիցս, որ եթե վարակի տարածման տեմպը պահպանվի, մայիսի վերջին ընդհանուր առմամբ կունենանք մոտ 10 հազար վարակակիր, և այդ կանխատեսումներն իրականացան»,- ասաց նախարարը:
Հաստատված վարակակիրների թիվն է 9492, մահերի ընդհանուր թիվը 139 է: Նախարարի խոսքով՝ ծանրաբեռնված է մահճակալային ֆոնդը, հատկապես՝ ռեանիմացիոն, որ այս պահին ամենակարևորն է. ծանր վիճակում է 440 քաղաքացի, ծայրահեղ ծանր վիճակում՝ 55 քաղաքացի, որոնցից 15-ը միացած է թոքերի արհեստական օդափոխության սարքերին. «Ծանր և ծայրահեղ ծանր քաղաքացիների թիվը վերջին օրերի ընթացքում մոտ 500 է եղել, այսինքն՝ լավացման միտումներ չենք տեսնում և պետք է մեր բոլոր միջոցառումները շարունակենք ավելի ինտենսիվ, հատկապես երեք պարզ կանոնների պահպանումը, որպեսզի այս թվերը չաճեն, այլ իջնեն»:
Մանրամասները՝ տեսանյութում։
Լիլիթ Շաբոյան
