Միքայել Մինասյանը մաֆիայի ամենամերձավոր մարդն է. ԱԱԾ-ն նրան պետք է բերի երկիր, և նա դատվի. Լևոն Շիրինյան. ՏԵՍԱՆՅՈՒԹ

Factor.am-ի հարցազրույցը քաղաքագետ Լևոն Շիրինյանի հետ

-Պարոն Շիրինյան, ընդդիմությունը կոչ է անում իշխանությանը հանրաքվեն անցկացնել, ինչպես որ նախատեսում էին և ասում, որ դա վստահության հանրաքվե է լինելու։ Իշխանությունն այլ ճանապարհով է ցանկանում գնալ։ Ի՞նչ հանգուցալուծում եք տեսնում։

-Հայաստանում կար քրեաօլիգարխիկ մի հատված, որը գողապետություն է և ժողովրդի որոշումով հայտնվել է պատմության հետնադռանը։ Եվ իրենք որքան էլ իրենց ընդդիմություն կոչեն՝ ժողովրդի ընկալման մեջ իրենք ընդդիմություն չեն կարող լինել, եթե չասենք մաֆիայի, գողապետության պաշտպաններ։ Դասական իմաստով ընդդիմություն առայժմ Հայաստանում չկա, եթե նկատի ունենք նախկին իշխանության ներկայացուցիչներին։ Իսկ մնացածի առումով դժվարանում եմ ասել՝ ովքեր են ընդդիմություն, որովհետև քաղաքական իմաստով Հայաստանում ակտիվություն չկա։ Ավելի ակտիվ է կորոնավիրուսը, քան քաղաքական հատվածն է եղել մինչև հիմա։ Այս իշխանությունը Հայաստանի՝ հետսովետական շրջանի պատմության մեջ, միակ լեգիտիմ ձևավորված իշխանությունն է՝ պառլամենտական պատմության մեջ։ Հետևապես՝ նրա ամեն մի որոշում օրինական է։ Նման իրավիճակում երկիրն «ավանտյուրայի» մեջ ներքաշելու նպատակն իշխանությանը տապալելն է։ Բայց իրենք իշխանության գալ չեն կարող։ Իրենց ժողովուրդը վռնդել է։ Դրա համար հիմա ԱԺ-ն ինչ որոշում էլ կայացնի՝ օրինական է, լեգիտիմ է և բխում է ՀՀ շահերից։ Այս վիճակում ԱԺ-ն պետք է ՍԴ հարցը լուծի և թարախապալարը վերջացնի։ Պրանք էլ կլռեն մինչև մահ ու գերեզման։ Գիտեք, Հայաստանում պադոշային բան կա. երեկ իրենց շպրտել են, այսօր իրենք ասում են՝ «ժողովուրդ»։ Ժողովուրդը ձեզ մերժել է։ Ժողովուրդը մերժել է Սերժին՝ իր «բանդայով», կազմակերպություններով, ծովահրեշով։

-Իսկ ինչպե՞ս եք գնահատում կառավարության հակաճգնաժամային քայլերը, դրանք բավարա՞ր են, և արդյոք կառավարությունը հետևողական է իր իսկ սահմանած միջոցառումների կյանքի կոչման հարցում։

-Եթե ընդունենք, որ կորոնավիրուսն անհայտ բան է, նաև՝ գիտական իմաստով, ի՞նչ պետք է անեին։ Գումարային իմաստով բավարար է, իրադրային իմաստով, իհարկե, փոփոխություններ կան Հայաստանում և ամբողջ աշխարհում։ Հո ոռնոցով չի՞։ Ամեն մեկն իրեն համաճարակաբանի տեղ է դրել ու ոռնում է. էս արեք, էն արեք։ Կարծում եմ՝ բավարար է։

-Վերջերս ակտիվացել է հետախուզման մեջ գտնվող Միքայել Մինասյանը. նա կոռուպցիայի և մաքսանենգության մեջ է մեղադրում իշխող ուժին։ Արդյոք իշխանությունների արձագանքը համարժե՞ք է։

-Ես մի անգամ կարծիք եմ հայտնել և կարծում եմ՝ դա ճիշտ է։ Միջոցներ չպիտի խնայել և հրեաների օրինակը պիտի վերցնել։ Ժամանակին Իսրայելը Հոլոքոստի կազմակերպչին, որն Արգենտինայում թաքնված էր և բանտից խուսափում էր՝ գտան։ Հայաստանի ԱԱԾ-ն Միքայել Մինասյանին պետք է գողանա, բերի երկիր և դատի։ Գողանա, բերի… Իսրայելից գնացին Արգենտինա, տեղը գտան, գողացան, ինքնաթիռ դրին, բերին, Իսրայելում դատեցին։ Այդ օրինակը հրեաներից կարելի է վերցնել։

-Այսինքն, Միքայել Մինասյանի դեպքում այդպե՞ս պետք է վարվել։

-Այո, որովհետև նա մաֆիայի ամենամերձավոր մարդն է. քայքայել և քայքայում է երկիրը։ Ակնհայտ է, չէ՞։

Հարցազրույցն ամբողջությամբ՝ հեռախոսազրույցում:

Մերի Մարտիրոսյան