30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
Կրեք էդ անտերը․ Արարատ Միրզոյանը կոչ է անում փակ տարածքում դիմակ կրել. ՏԵՍԱՆՅՈՒԹ
19.05.2020 | 12:41
Ազգային ժողովի արտահերթ նիստում Վարչական իրավախախտումների վերաբերյալ օրենսգրքում լրացում և փոփոխություն կատարելու մասին օրենքի նախագծի քննարկման ժամանակ ԱԺ նախագահ Արարատ Միրզոյանը ելույթը սկսեց՝ անեկդոտ պատմելով:
«Մեկը երեկոյան վերադառնում է տուն, կնոջն ասում է՝ ես էսօր վաճառողին խաբել եմ, ասում է՝ ո՞նց: Պատասխանում է՝ փողը տվել եմ, ապրանքը չեմ վերցրել։ Հիմա եկեք հասկանանք՝ այս պատմության մեջ ով ում է խաբում, ինչի համար։ Յուրաքանչյուր հնարամիտ մարդ անվերջ կարող է հնարել, մտածել իրավիճակ, թե ոնց կարող է խուսափել պատժվելուց, շրջանցել այս կարգավորումը։ Իմա՞ստը։ Էս պատմության մեջ ո՞վ ում է խաբում»,- ասաց Արարատ Միրզոյանը:
Նա ընդգծեց, որ դիմակի օգտակարության մասին աշխարհում 100 տոկոսանոց պատասխան չկա:
«Երկուշաբթի առողջապահական կազմակերպությունները, այդ թվում՝ գլոբալ, ասում են, որ օգնում է, երեքշաբթի ասում են՝ չի օգնում։ Հետո նորից չորեքշաբթի ասում են՝ բայց ոնց որ օգնում է։ Ոչ մեկը չգիտի աշխարհում, ժողովուրդ ջան, բայց փաստ է, որ կա շանս, որ էս դիմակը կարող է օգնել փրկել մարդու կյանքը, հիմա ասում ենք՝ կրեք էդ անտերը, ժողովուրդ ջան, ունեցեք մոտներդ»,- նշեց Միրզոյանը։
Մանրամասները՝ տեսանյութում։
