Արցախի ընտրությունը չճանաչող, բայց կեղծիքով ընտրված Ադրբեջանի իշխանության հետ աշխատող ԵՄ-ն կասկածի տակ է դնում իր արժեհամակարգը. «Իմ քայլի» պատգամավոր

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Factor.am-ի հարցազրույցն ԱԺ «Իմ քայլը» խմբակցության պատգամավոր Տաթև Հայրապետյանի հետ

-Տիկին Հայրապետյան, ԵՄ-ն հայտարարեց Արցախի ընտրությունները չճանաչելու մասին։ Ի՞նչ է սա նշանակում՝ քաղաքական առումով։ Նման ձևակերպումներով հայտարարությունը ԵՄ-ի կողմից նորություն չէ, նույն բովանդակությամբ հայտարարություններ եղել են նաև նախկինում: Այդուհանդերձ, նման մոտեցումն անհասկանալի է և փոքր-ինչ անտրամաբանական, քանի որ մի կողմից ԵՄ-ն իրավացիորեն աջակցում է ԵԱՀԿ Մինսկի խմբին, իսկ մյուս կողմից՝ չի ճանաչում ընտրությունները, որոնց արդյունքում ընտրված նախագահը պարբերաբար հանդիպումներ է ունենում Մինսկի խմբի համանախագահների հետ: Հավելեմ նաև, որ «Քաղաքացիական և քաղաքական իրավունքների վերաբերյալ միջազգային կոնվենցիան» («ICCRP»), որը վավերացվել է և՛ Հայաստանի, և՛ Ադրբեջանի կողմից 1992 թվականին, երաշխավորում է ազատ ընտրությունների անցկացումը բոլորի համար՝ առանց խտրականության: Չճանաչելով ժողովրդավարական, ազատ, արդար և մրցակցային ընտրություններն Արցախում, բայց միաժամանակ շարունակելով աշխատել կեղծված ընտրություններով և ակնհայտ խախտումներով ընտրված Ադրբեջանի իշխանությունների հետ, ԵՄ-ն հարցականի տակ է դնում ժողովրդավարության հենասյուներ հանդիսացող արժեհամակարգը, որը մարմնավորում է Եվրոպան և հանուն որի զարգացման հսկայական ջանքեր է գործադրում և ռեսուրսներ ներդնում:

-Երեկ հարևան Վրաստանի ԱԳՆ-ն հայտարարություն տարածեց Արցախում անցկացված ընտրությունների վերաբերյալ։ Այնտեղ, մասնավորապես, նշված էր. «Վրաստանի արտաքին գործերի նախարարությունը վերահաստատում է իր աջակցությունը Ադրբեջանի ինքնիշխանությանը և տարածքային ամբողջականությանը և չի ճանաչում, այսպես կոչված, խորհրդարանական և նախագահական ընտրությունները, որ Լեռնային Ղարաբաղում անցկացվեցին մարտի 31-ին»։ Ինչո՞ւ Վրաստանը շտապեց այս հայտարարությունն անելու:

-Կարծում եմ՝ անկախ հայտարարության ծագման երկրից՝ մեր մոտեցումը հստակ է՝ որևէ մեկը չի կարող կասկածի տակ դնել արցախցիների ազատ, արդար և միջազգային չափորոշիչներին համապատասխան ընտրություններ անցկացնելու անքակտելի իրավունքը: Այլ հարց է, որ ընտրություններն ամեն անգամ ցայտուն և ընդգծված կերպով ի հայտ են բերում այն քաղաքակրթական և արժեհամակարգային անդունդը, որ կա Արցախի և Ադրբեջանի միջև:

-Այս արձագանքները կարո՞ղ ենք համարել արտերկրում մեր լոբբիստական խմբերի աշխատանքի որոշակի թերացման արդյունք, թե՞ այստեղ այլ խնդիր կա։

-Անկեղծ ասած, չգիտեմ, թե որ լոբբիստական կառույցները կոնկրետ նկատի ունեք, բայց միշտ էլ կա հավելյալ աշխատանքի անհրաժեշտություն: Հարկ է է՛լ ավելի համառ և հետևողական աշխատանքի միջոցով մեր միջազգային գործընկերներին հասանելի դարձնել այն միտքը, որ միայն Արցախն ավելի լավ ճանաչելով և այնտեղ եվրոպական քաղաքակրթական արժեքների վրա հիմնված արդեն առկա ինստիտուտներն է՛լ ավելի զարգացնելով է հնարավոր ամբողջությամբ հասկանալ, որ հետադարձ ճանապարհ չկա, և ժողովրդավար Արցախը երբևէ չի կարող մաս դառնալ բռնապետական Ադբեջանի: Դա անհնար է: Քաղաքական շահերից բխող որևէ հայտարարություն չի կարող կասեցնել մարդու՝ ժողովրդավարական երկրում ապրելու բնական մղումը:

 

Մերի Մարտիրոսյան