07.03.2026 | 12:34
Ֆինն Գերագուսյանը գոլ է խփել Հայաստանի հավաքական հրավիրվելուց հետո․ ՏԵՍԱՆՅՈՒԹ
Նռնակի պայթյունի հետևանքով վիրավորված զինծառայողի վիճակը ծայրահեղ ծանր է. նրան տեղափոխել են Երևան
06.11.2017 | 14:25
Նոյեմբերի 4-ին Պաշտպանության բանակի զորամասերից մեկում հակատանկային նռնակի պայթյունի հետևանքով վիրավորված երկու զինծառայողներից Սերգեյ Ալումյանի վիճակը ծայրահեղ ծանր է, նրան տեղափոխել են Երևան. մեզ հետ զրույցում ասաց ՊՆ մամուլի խոսնակ Արծրուն Հովհաննիսյանը:
«Չեմ կարող ասել, թե ինչ վնասվածքներ է ստացել, սակայն զինծառայողի վիճակում որևէ դրական փոփոխություն չկա»,- մանրամասնեց նա:
Հիշեցնենք, որ ՊԲ լրատվական ծառայության հաղորդմամբ, նոյեմբերի 4-ին՝ ժամը 12:10-ի սահմաններում, Արցախի հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունի հետևանքով մահացու վիրավորում է ստացել ՊԲ զինծառայող, 1997թ. ծնված Հրանտ Խաչատուրի Մանգասարյանը: Զինծառայողներ Գևորգ Վլադիսլավի Հյուսնունցը և Սերգեյ Սևադայի Ալումյանը ստացել են տարբեր աստիճանի բեկորային վիրավորումներ:
