30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Իրանում մեկնարկել են խորհրդարանական ընտրությունները
Քաղաքականություն
21.02.2020 | 11:32
Իրանում խորհրդարանական ընտրություններ են մեկնարկել: Ամբողջ երկրի տարածքում 208 ընտրատեղամաս է բացվել: Այս մասին գրում է ԻՌՆԱ-ն:
290 պատգամավորական աթոռի համար ավելի քան 7 հազար թեկնածու է պայքարում:
Իրանի ընտրությունների անցկացման գլխավոր շտաբի ղեկավար Ջամալ Օրֆն ավելի վաղ հայտարարել էր, որ 83 մլն իրանցիներից ընտրելու իրավունք ունի շուրջ 57 մլն 918 մարդ: Նրանցից 2 մլն 931-ն առաջին անգամ է քվեարկության մասնակցում:
Նշենք, որ իրանական խորհրդարանում 5 տեղ նախատեսված է կրոնական և էթնիկ փոքրամասնությունների ներկայացուցիչների համար, որոնցից 2-ը՝ հայերի համար:
Իրանում խորհրդարանի պատգամավորներն ընտրվում են 4 տարին մեկ անցկացվող համաժողովրդական քվեարկության արդյունքում: Նոր խորհրդարանը գործունեությունը կսկսի 2020 թվականի մայիսի վերջից:
