01.07.2026 | 15:26
Մերձմոսկովյան շրջաններում էլեկտրաէներգիայի անջատումներ են
Հրայր Թովմասյանին պաշտոնանկ անելու նախագիծը հետ է կանչվել. նոր նախագիծ է շրջանառվում. ՏԵՍԱՆՅՈՒԹ
Քաղաքականություն
06.02.2020 | 11:13
Այսօր ԱԺ պատգամավորների նախաձեռնությամբ հրավիրվել էր ԱԺ արտահերթ նիստ, որի օրակարգում ընդգրկված էր 2 հարց: Սակայն «ԱԺ կանոնակարգ» սահմանադրական օրենքի 68-րդ հոդվածի 1-ին մասի 7-րդ կետի համաձայն՝ նախաձեռնողն այսօր առավոտյան հետ է կանչել արտահերթ նիստի օրակարգում ընդգրկված նախագծերը: Այս մասին այսօր՝ փետրվարի 6-ին հայտարարեց ԱԺ նախագահ Արարատ Միրզոյանը:
Նա հավելեց` քանի որ օրակարգում հարց չի մնացել, նիստը համարվում է փակված:
ԱԺ նախագահը միաժամանակ տեղեկացրեց, որ մեկ ժամ անց ԱԺ խորհրդի արտահերթ նիստ է հրավիրվելու, որտեղ քննարկվելու է ԱԺ նոր արտահերթ նիստի օրակարգը։
Հիշեցնենք, որ իշխանական «Իմ քայլը» խմբակցության կողմից շրջանառության մեջ էր դրվել նախագիծ, որով նախատեսվում էր պաշտոնանկ անել ՍԴ նախագահ Հրայր Թովմասյանին:
Մանրամասները՝ տեսանյութում:
Նարեկ Կիրակոսյան
