30.04.2026 | 11:00
Կառավարության նիստը՝ ՈՒՂԻՂ
Թուրքիայում 2019թ. բանտարկվել է 25 լրագրող
Քաղաքականություն
18.12.2019 | 14:31
«Լրագրողներ առանց սահմանների» (RSF) իրավապաշտպան կազմակերպությունը զեկույց է պատրաստել մասնագիտական աշխատանքների կատարման ընթացքում սպանված, ինչպես նաև ձերբակալված լրագրողների թվի վերաբերյալ. գրում է ermenihaber-ը:
Նշվում է, որ 2019թ. աշխարհում սպանվել է մասնագիտական գործունեություն ծավալող 49 լրագրող, որից 3-ը կին և 46-ը տղամարդ: Այդ լրագրողներից 20-ը սպանվել են պատերազմական գոտում:
2019թ. ամենից շատ լրագրողներ սպանվել են Սիրիայում և Մեքսիկայում (յուրաքանչյուրում 10 լրագրող):
Զեկույցում ասվում է, որ ընդանուր առմամբ վերջին 10 տարիների ընթացքում 941 լրագրող է սպանվել:
«Աշխարհում 2019թ. մասնագիտական գործունեություն ծավալելու պատճառով 389 լրագրող է կալանավորվել, որից 120-ը՝ Չինաստանում: Իսկ Թուրքիայում այս տարի բանտարկվել է 25 լրագրող»,- նշվում է զեկույցում:
Հիշեցնենք, որ «Լրագրողների պաշտպանության կոմիտեն» (CPJ) 2019թ. կազմած զեկույցում Չինաստանը (48 բանտարկված լրագրող) և Թուրքիան (47 բանտարկված լրագրող) «աշխարհում լրագրողների ամենամեծ բանտ» էր բնութագրել:
