08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Սպորտում հաջողություններ ունեցած քաղաքացիները տարկետում կստանան․ Գաբրիել Բալայան. ՏԵՍԱՆՅՈՒԹ
Հասարակություն
12.12.2019 | 17:25
Կարծում եմ՝ այս նախագիծը երկար սպասված է, և եթե այն հավանության արժանանա, ենթադրվում է վերականգնել բանակի մարզական ակումբը և զինվորական ծառայության զորակոչել արդեն իսկ սպորտում հաջողություններ ունեցած այն քաղաքացիներին, որոնք չեն ընդգրկվում նշանակալի նվաճումներ գրանցած քաղաքացիներին տարկետում տալու կարգի շրջանակում: «Հայաստանի Հանրապետության Զինված ուժերի կարգապահական կանոնագիրք» ՀՀ օրենքում փոփոխություններ և լրացումներ կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու մասին հարցի քննարկման ժամանակ այս մասին ասաց պաշտպանության նախարարի տեղակալ Գաբրիել Բալայանը:
Նա նշեց, որ այս հարցով բազմաթիվ քննարկումներ են անցկացվել սպորտի ոլորտի պատասխանատուների, այդ թվում՝ տարբեր ֆեդերացիաների ներկայացուցիչների հետ:
«Կարծում ենք, որ այս նախագիծը հավանության արժանանալու դեպքում մեծ հնարավորություններ են բացվում բանակում մարզաձևերի առաջխաղացման, զարգացման առումով, ինչպես նաև ծանոթ լինելով ներկայացված օրենքի նախագծին՝ հնարավորություն է ստեղծվում այդ ակումբային տրամաբանությունը ներմուծել համապատասխան պետական հիմնարկի կանոնադրության մեջ՝ այդպիսով որոշակի առումով փորձ անելով բյուջետային հատկացումները նվազեցնել և մասնավոր ներդրումների հաշվին իրականացնել այդ սպորտաձևերի զարգացումը»,- հավելեց փոխնախարարը:
Մանրամասները՝ տեսանյութում:
