12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ես զարմացած եմ, որ Սերժ Սարգսյանին չեն մեղադրում պետության զավթման մեջ՝ Մարտի 1-ի գործով․ Ստեփան Գրիգորյան. ՏԵՍԱՆՅՈՒԹ
Քաղաքականություն
09.12.2019 | 16:00
Այն բանից հետո, երբ երրորդ նախագահ Սերժ Սարգսյանին կոռուպցիոն մեղադրանք առաջադրվեց՝ շուրջ կես միլիարդ դրամ գումարի հափշտակության կատարումը կազմակերպելու համար, քաղաքացիները զարմանք են հայտնում, ինչո՞ւ մեղադրանքը այլ ենթադրյալ ծանր հանցագործությունների մասին չէ, օրինակ՝ ընտրությունների կեղծում, Մարտի 1-ի գործ։
Քաղաքագետ Ստեփան Գրիգորյանը Factor TV-ի հետ զրույցում նշեց, որ իրեն հանդիպող քաղաքացիները ևս նույն հարցը բարձրացնում են, ավելին՝ հասարակությունը պահանջում է խիստ պատիժ Սերժ Սարգսյանի և Ռոբերտ Քոչարյանի համար՝ ընդհուպ մահապատժի կիրառում։
«Բայց ես պետք է հիասթափեցնեմ մեր հասարակությանը։ Հայաստանը Եվրախորհրդի անդամ է, մահապատիժն արգելված է մեզ մոտ։ Այո՛, պետական ինստիտուտները պետք է աշխատեն, կատարված հանցանքներն անպայման պետք է պատժվեն օրենքի սահմաններում։ Համաձայն լինելով, որ Սերժ Սարգսյանին ներկայացված մեղադրանքը ոչ խիստ տպավորություն է թողնում, մենք պետք է իմանանք, որ դա միայն սկիզբն է։ Ես զարմացած եմ, որ Սերժ Սարգսյանին չեն մեղադրում պետության զավթման մեջ՝ Մարտի 1-ի գործով։ Չեմ բացառում, որ մեղադրանքը կզարգանա»,- ասաց Ստեփան Գրիգորյանը։
Մանրամասները՝ տեսանյութում։
Ռոբերտ Անանյան
