12.08.2026 | 19:06
Զելենսկին շնորհավորել է Փաշինյանին
Երկու քննչական մարմին օպերատիվ-հետախուզական գործունեություն իրականացնելու հնարավորություն են ունենալու․ Սրբուհի Գալյան. ՏԵՍԱՆՅՈՒԹ
Քաղաքականություն
09.12.2019 | 12:34
«Կառավարությունն՝ ի դեմս Արդարադատության նախարարության, շատ ակտիվ տեմպով զբաղված է ոլորտային քաղաքականության մշակման գործով։ Այն, որ կառավարությունն այս պահին դեմ է «Օպերատիվ-հետախուզական գործունեության մասին» ՀՀ օրենքում փոփոխություններ կատարելու մասին» նախագծի ընդումանը, պայմանավորված է այն համգամանքով, որ դեռևս չի վերջնականացվել Ոստիկանության բարեփոխումների ռազմավարության ծրագիրը»,- այս մասին ԱԺ-ում ասաց արդարադատության փոխնախարար Սրբուհի Գալյանը։
«Որևէ դեպքում Կառավարությունը չի ասում, որ ոչ, Ոստիկանությանը չպետք է տալ նման հնարավորություն, այլ ասում է, որ նման հատվածական կարգավորումներով Ոստիկանությունն այսօր չպետք է ունենա գաղտնալսումն ինքնուրույն կազմակերպելու հնարավորություն։ Պարոն Բաբաջանյան, Դուք ասում եք, որ Ոստիկանությունն այսօր զրկված է գաղտնալսելու հնարավորությունից, ո՛չ, դա այդպես չէ, ինքնուրույն կազմակերպման հնարավորությունն է բացակայում, որն ապագայում Ոստիկանությունը, հնարավոր է, կարող է ունենալ, բայց միայն համալիր կարգավորումների արդյունքում», – ասաց Գալյանը։
Փոխնախարարը տեղեկացրեց, որ 2021 թվականին ստեղծվելիք Հակակոռուպցիոն կոմիտեն ունենալու է օպերատիվ-հետախուզական գործունեություն իրականացնելու հնարավորություն։
«Միաժամանակ, քանի որ ունենք միջազգային բազմաթիվ պահանջներ, օպերատիվ-հետախուզական գործունեություն իրականացնելու հնարավորություն տրվելու է նաև Հատուկ քննչական ծառայությանը։ Երկու քննչական մարմին ունենալու են այս հնարավորությունը»,- ասաց Սրբուհի Գալյանը։
Հիշեցնենք, որ Ազգային ժողովում քննարկվում է «Օպերատիվ-հետախուզական գործունեության մասին» ՀՀ օրենքում փոփոխություններ կատարելու մասին» օրինագիծը։
Մանրամասները՝ տեսանյութում։
