25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Բանակի սպայակազմի հետ պրոբլեմ ունենք․ Անդրանիկ Քոչարյան. ՏԵՍԱՆՅՈՒԹ
Քաղաքականություն
06.12.2019 | 14:15
Ինքնասպանության հասցնելու համար պատժաչափերը խստացնելու օրինագիծը կարևորագույն օրինագիծ է և պետք է խստացնենք։ Հայոց բանակում պետք է ինքնասպանություն չլինի, պետք է լինի մեր բացառիկ ձգտումը։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Անդրանիկ Քոչարյանը։
«Ինքնասպանությունը հրեշավոր հանցագործություն է։ Դա հանցագործությունների շղթա է, որը վերջնահաշվարկում հասցնում է ինքնասպանության։ Ինքնասպանություն կատարում է դեռ կյանք չմտած զինվորը, որը 18 տարեկան է։ Ինքնասպանություն կատարելը հեշտացվել է և հիմա հասցնելն, իհարկե, ամենախիստ ձևով պետք է պատժվի։ Ընդունեք, որ մենք պրոբլեմ ունենք նաև բանակի սպայակազմի հետ, բանակը պետք է ունենա էլիտար սպայակազմ։ Պատվի գիտակցումը շատ բաձր պետք է լինի, միայն բանակային ենթամշակույթը չէ»,- ասաց Անդրանիկ Քոչարյանը։
Նա նկատեց, որ Զինված ուժերի կառույցներում հանցագործ աշխարհի ենթամշակույթն է թափանցել տարբեր դրդապատճառներով և դրա արմատները պետք է շատ արագ չորացվեն։
«Համալիր ծրագրեր պետք է լինեն։ Մեր սպայակազմը էլիտար կարգավիճակը պետք է վերականգնի։ Վերջին հաշվով՝ մենք անընդհատ հպարտանում ենք այն էլիտար զինվորականներով, ինչպիսին Մոնթեն է, Լեոնիդն է, մյուսներն են, որոնք մեր հերոսապատումները կերտել են, նրանք միայն հրամանների լեզվով չեն խոսել զիվորների հետ, նրանք նաև սրտի լեզվով են խոսել։ Ե՛վ բանականությունը, և՛ սիրտը, եթե հրամանատարը միացնում է իրար, ինքն ունենում է կառավարելի և նման երևույթներից հեռու պահող ուժային համակարգ։ Մենք պետք է հասնենք դրան»,- նշեց նա։
Հիշեցնենք, որ Ազգային ժողովում քննարկվում է «ՀՀ քրեական օրենսգրքում լրացում կատարելու մասին» օրենքի նախագիծը:
