27.04.2026 | 18:19
«Ֆոքսիսը»՝ բասկետբոլի կանանց Հայաստանի չեմպիոն․ ՏԵՍԱՆՅՈՒԹ
«Երեխաների որդեգրման ահազանգերին ընթացք են տվել, ուղարկվել իրավապահ մարմիններին»․ Զարուհի Բաթոյան. ՏԵՍԱՆՅՈՒԹ
Հասարակություն
04.12.2019 | 16:28
Երեխաների որդեգրման գործըթացը մեր տիրույթում չէ, մենք ընդամենը իրականացնում ենք երեխաների խնամքը։ Դա միջգերատեսչական խնդիր է։ Այն բողոքներն ու ահազանգերը, որ ստանում ենք, ուղղորդում ենք իրավապահ մարմիններին։ Ցանկացած խնդիր, որը մեզ կասկածելի է թվացել, տեղեկությունը տրամադրել ենք իրավապահ մարմինների։ Այս մասին այսօր՝ լրագրողների հետ զրույցում նշեց ՀՀ աշխատանքի և սոցիալական հարցերի նախարար Զարուհի Բաթոյանը։
Անդրադառնալով Քննչական կոմիտեի՝ օրերս տարածած հայտարարությանը, ըստ որի՝ 43-ամյա կինը, օգտվելով երեխայի խնամքը ստանձնելու ցանկություն հայտնած անձանց՝ որդեգրման գործընթացից անտեղյակ լինելու հանգամանքից, նախաձեռնել է օտարերկրացիների կողմից Հայաստանի մանկատներում գտնվող առողջ երեխաների որդեգրումը, Զարուհի Բաթոյանը նշեց․ «Նախարարությանը հայտնի չէ՝ ովքեր են զբաղվել որդեգրմամբ։ Դա միջգերատեսչական և բազմաոլորտային խնդիր է։ Այստեղ կապ ունեն և՛ կենսաբանական ծնողները, և՛ ծննդատները, և՛ տեղական ինքնակառավարաման մարմինները։ Դա մեծ համագործակցող ցանց է, որտեղ ցանկացած ոլորտում կարող է լինել խնդիր։ Սա նաև դրանով է բարդ, բայց մենք ձեռնամուխ ենք եղել այդ գործին, որպեսզի անկախ նրանից, թե որքան բարդ է խնդիրը, ուսումնասիրենք և լուծենք, ինչի արդյունքում կկարողանանք նաև համակարգային լուծումներ գտնել, այսինքն՝ հասկանալ որոնք են օրենսդրական բացերը և նաև այդ ուղղությամբ քայլեր ձեռնարկել»։
Մանրամասները՝ տեսանյութում։
Նելլի Մելքոնյան
